Алматылық кәсіпкерлер 100 млн теңгеге дейін несие ала алады
15 Ақпан, 2017 13:48
Алматылық кәсіпкерлер 100 млн теңгеге дейін жеңілдікті несие ала алады, деп хабарлады қала әкімдігі.
Бизнес иелеріне тамақ өнеркәсібінің басым салаларындағы ШОБ субъектілерін қаржыландыру бойынша «Алматы Өнім» жаңа өңірлік бағдарламасы аясында қолдау көрсетілуі мүмкін.
«Несие Алматы әкімдігінің және «Даму» кәсіпкерлікті дамыту қоры» АҚ қаражаты есебінен 7 жылға дейінгі мерзімге беріледі. Бағдарлама шарттарының бірі – ШОБ субъектісі тіркеліп, өз қызметін Алматыда жүргізуі тиіс», - делінген хабарламада.
Кәсіпкер қосымша ресурстар алады, осы ретте Қор ақшалай қаражаттың игерілуіне мониторинг жүргізу құқығын өзіне қалдырады. Ақшалай қаражат айналым қаражатын толықтыруға, бизнесті жаңғыртуға немесе кеңейтуге бағытталуы мүмкін.
