Ақмола облысында қуаттылығы тәулігіне 200 тонна болатын диірмен салынады
15 Ақпан, 2017 09:17
Ақмола облысының Шортанды елді мекенінде қуаттылығы тәулігіне 200 тонна болатын диірмен салынады, деп хабарлады облыс әкімдігінің баспасөз қызметі.
Жобаның құны 750 млн теңгеден жоғары. Диірменнің мекемесі тұрғызылып жатыр, қондырғының монтажы жасалып жатыр. Аудан орталығында 35 жаңа жұмыс орны ашылады.
Кәсіпкерлерді қолдау картасын жүзеге асыру аясында 2016 жылы ауданда екі жаңа нысан ашылды. Зауытта табиғи тас пен мрамор өңдейтін екінші цех «Turan Industry» ЖШС ашылды. Оған қоса, 30 жұмыс орны ашылды. Жобаның құны 1,0 млрд теңге.
Сондай-ақ, әкімдіктің хабарлауынша, 2016 жылдың шілдесінен бастап қаз етін шығаратын ферма ашылады. Ет өнідірісінің циклі жұмыртқа басуды, құсты өсіру және өңдеу болып табылады. Биылғы жылы 500 келі өнім шығарылды.
