БҚО Зеленов ауданындағы инвестициялар көлемі 10,3% өскен

«Ауданның негізгі капиталына инвестициялар көлемі 105,8 млрд теңгені құрады, бұл 2015 жылғы ұқсас кезеңнен 10,3% артық. Есепті кезең қорытындылары бойынша мемлекеттік бюджетке 7,1 млрд теңге жиналды (2,7 есе өсім)», - деді әкім.

Бұдан бөлек, спикер агроөнеркәсіп кешенінің дамуына толық тоқталып өтіп, 2016 жылы Зеленов ауданы күздік дақылдардың рекордтық өнімін жинағанын атап өтті. Кейбір шаруашылықтардағы өнімділік 52 ц/га жеткен.

«41 мың га күздік дақылдар егілді, бұл 2015 жылмен салыстырғанда 10 мың га артық. Майлы дақылдар ауданы 22,3 мың га құрады, егіс көлемі 2,4 есе ұлғайғайды. Майлы дақылдардың жалпы өнімі 25,2 мың тоннаны құрады», - деп хабарлады әкім.

Сондай-ақ, ол 2017 жылғы 1 қаңтардағы жағдай бойынша ет өндірісі - 8,2 мың тоннаны (өткен жыл деңгейіне 101%), сүт – 38,6 мың тоннаны (100%), жұмыртқа 52,3 млн дананы (102%) құрағанын атап өтті.

К. Жақыпов агроөнеркәсіп секторының субъектілерін қаржылай қолдау туралы айта келе, 2016 жылы 22 қарыз алушыға 237,7 млн теңге сомасына несие берілгенін, ал ауданның ауыл шаруашылығы құрылымдарына 1,1 млрд теңге сомасына субсидия төленгенін айтты.