ЖҚЖК: 60 бөкейордалық әлеуметтік жұмыс орындарына жұмысқа орналастырылған
Бөкейорда ауданының өткен жылғы бюджеті 3 млрд 32 млн теңгені құрады, осы ретте кіріс және шығыс бөліктері жүз пайыз көлемде орындалған. Бюджетке салық түсімдерінің сомасы 121,8 пайызға артқан және 311 млн теңгені құрады.
«Дипломмен ауылға» бағдарламасы бойынша 25 маман 3 млн 712 мың теңге сомасына көтермеақы алды. 13 жас маманға тұрғын үй алу үшін 38 млн 178 мың теңге сомасына бюджеттік несие бөлінген.
Дәл осындай өсім кәсіпкерлік саласында да байқалады. Бөкейорда ауданында 910 шағын бизнес субъектілері бар, оларда 1600-ден астам адам еңбек етеді. Бір жыл ішінде олар бес жарым миллион теңгеге жуық сомаға өнім өндірген, бұл 2015 жылғы ұқсас кезеңнен 48% артық. Олардың қызметінің арқасында бюджет 15 млн 547 мың теңгеге толыққан.
Әкімдікте ауданның көптеген кәсіпкерлері «Жұмыспен қамтудың жол картасы 2020» мемлекеттік бағдарламасын пайдаланып, оның екінші бағыты бойынша 60 млн теңге сомасына қарызға қаражат алғанын атап өтті. 19 кәсіпкер қаражатты – мал өсіруге, 12-сі тұрмыстық қызметтер көрсету кәсіпорындарын ашуға бағыттаған. «Жұмыспен қамтудың жол картасы 2020» бағдарламасының бірінші бағыты бойынша 14 жоба бойынша 21 адам жұмыспен қамтылған. Үшінші бағыты бойынша 60 адам әлеуметтік жұмыс орындарына жұмысқа орналастырылған, 50 адам жастар практикасына жіберілген және 27 адам кәсіптік оқудан өтуге мүмкіндік алған.
