Талдықорғанда 1,8 млрд теңгеге 46 км газ құбыры тартылды

Газдандыру мәселесі есептік кездесудің ең маңызды тақырыбына айналды. Б.Қарасаев айтып өткендей, Талдықорғанды газдандыру  4 кезең  бойынша жүзеге асырылады. Бұл: 20, 0 мың абонентті газбен қамтамасыз ету аясында 1,4 мың км газды бөлудің жүйелерін салу.

Оның айтуынша, бірінші кезең аясында  өткен жылы 3 кешен мен 94,0  км газ құбырының құрылысы жүзеге асты. Бүгінгі таңда  46,0 км желі 1,8 млрд теңгеге салынды.

«Бірінші кезең қаланың  орталық бөлігін қамтиды. Талдықорғандық тұрғындарға көгілдір отын жеткізіледі», - деді қала әкімі.