Көкшетауда 2017 жылы 5 көппәтерлі тұрғын үй салынады
10 Ақпан, 2017 17:56
Көкшетауда 1,4 млрд теңгеге 5 көппәтерлі тұрғын үй құрылысы жүріп жатыр, деді қала әкімі Ермек Мәржікпаев жылдың әлеуметтік-экономикалық қорытыныдысы бойынша халық алдында есеп беру кездесуінде.
Әкімнің айтуынша, өткен жылы Көкшетауда тұрғын үй құрылысы саласында көрсеткіштер оңтайлы болды.
«Облыс орталығында 127,5 мың шаршы метр тұрғын үй пайдалануға берілді. Оған Түрғын үй құрылыс жинақ банкі салымшылары мен 45 жетім бала ие болды. Бүгінгі таңда ҰОС ардагерлері баспанамен толық қамтылған», - деді қала әкімі.
Сондай-ақ, қазіргі таңда 5 көпқабатты тұрғын үйдің құрылысы өтуде. Бұл 1,4 млрд теңгенің 171 пәтері болып табылады. Сондай-ақ, 2017 жылдың бюджетінде 35 пәтерлік 9 қабатты үй құрылысына 295 млн теңге қарастырылған.
