Н. Назарбаев пен Владимир Путин телефон арқылы екіжақты ынтымақтастық мәселелерін талқылады
13 Желтоқсан, 2013 17:20
Мемлекет басшысы Нұрсұлтан Назарбаев Ресей Федерациясының Президенті Владимир Путинмен телефон ақылы сөйлесті, деп Ақорданың баспасөз қызметі хабарлады.
« Әңгімелесу барысында Нұрсұлтан Назарбаев пен Владимир Путин екіжақты ынтымақтастықтың өзекті мәселелерін және желтоқсанның аяғында Жоғары Еуразиялық экономикалық кеңес аясында Мәскеуде өтетін алдағы жоғары деңгейдегі кездесудің жайын талқылады», - делінген хабарламада.
Бұған қоса, мемлекеттер басшылары «Байқоңыр» ғарыш айлағын бірлесіп пайдалануды қосқанда, кең ауқымды екіжақты ынтымақтастық жөніндегі келісімдердің табысты және толық орындалғанын, сондай-ақ екі елдің әскери-техникалық ынтымақтастығының жүйелі дамып келе жатқанын атап өтті.
Соңында Қазақстан Президенті Ресей Федерациясының Президентін Ресей Федерациясы Федеральдық Жиналысында жыл сайынғы Жолдауын табысты сөз сөйлеуімен құттықтады.
