2014 жылы қазақстандық қамту деңгейі артады – ҚР ИЖТМ

«2014 жылы сатып алу мен қазақстандық мамандарды жұмыспен қамтудың жалпы көлемінде қазақстандық қамту үлесін арттыру мақсатында экономикалық тиімді тауар мен қызмет өндірістері деңгейін өсіру жоспарланып отыр», - делінген хабарламада.

Жер қойнауын игерушілердің арасында жоспар бойынша, тауар  16 пайыз, жұмыс пен қызмет көрсету бойынша 85 пайыз көрсеткіш байқалады. Жер қойнауын игеру жобаларында жұмыспен қамтылған қазақстандықтардың үлесі жоғарғы деңгейлі менеджерлер үшін 7 пайыздан төмендемейді. Ал орта деңгейлі менеджерлер, инженерлік –техникалық қызметкерлер мен жұмыскерлер үшін үшін бұл норма кемінде 9 пайыз болмақ.

Мемлекеттік мекемелер мен ұйымдар арасында тауар бойынша 60 пайыз, жұмыс пен қызмет көрсету бойынша 90 пайыз болмақ.

Ұлттық басқарма холдингтері мен жүйе құрушы кәсіпкерліктер арасында да тауар және жұмыс пен қызмет көрсету бойынша нормалардың көрсеткіші кемінде 60 және 90 пайызды құрамақ.

Естеріңізге сала кетейік, бағдарламаның мақсаты – отандық бәсекеге қабілетті тауарлар, жұмыс пен қызмет көрсетулер өндірісін дамыту үшін жағдай жасау және оларды ішкі нарыққа өткізу.

Басты міндеттеме: тауар; жұмыс пен қызмет көрсету; жұмыс күші; инфрақұрылым; қажетті тауарлар мен қызмет көрсету өндірісін құру мен дамыту жобаларын іске асыру; жаңа өнімдерді енгізу мен игеру механизмін құру арқылы қазақстандық қамтуды дамыту мемлекеттік саясатын жүйелеу; қазіргі өндірістерді жаңғыртуға қатысу мен отандық тауар өндірушілерді ұзақ мерзімді сұраныспен қамту, отандық тауар өндірушілерге сервистік қызмет көрсету болып табылады.