116 ақмолалық студент еліміздің медициналық оқу орындарында облыс әкімінің гранттары есебінен білім алуда

Облыс әкімдігінде хабарланғандай, білім алушылардың арасынан 20 студент атаулы стипендия есебінен, 50 студент аудан әкімдерінің гранттары есебінен және 37 студент шаруашылық етуші субъектілердің қаражаты есебінен білім алуда, деп хабарлады Өңірлік коммуникациялар қызметі.

Ақмола облысының денсаулық сақтау басқармасының кадрларды тарту бойынша жүргізіп жатқан жұмысын қолдау аясында облыс әкімі Сергей Кулагин 2015 жылы аудандардың және Көкшетау қаласының әкімдеріне бес жыл ішінде жылына 120 түлекті еліміздің медакадемияларына оқуға жіберу туралы тапсырма берді.

Әкімдікте атап өтілгендей, жас мамандар оқу аяқталғаннан кейін облысқа қайта оралып, онда өздерінің кәсіби еңбек қызметін бастайтын болады. Өткен жылы облысқа 359 медицина маманының келгеніне қарамастан, кадрлар тапшылығы әлі де сақталып келеді.