ҚР-ның тау-кен – металлургия саласы бойынша 3 жыл ішінде 42 инвестициялық жоба іске қосылды
13 Желтоқсан, 2013 12:55
Қазақстанның тау-кен-метталургия өндірісі саласында 3 жыл ішінде 42 инвестициялық жоба іске қосылды, деп Индустрия және жаңа технология министрлігінің баспасөз қызметі хабарлады.
«ҚР-ның тау-кен - металлургиялық саласын дамыту бағдарламасы бойынша 3 жыл ішінде 377,2 млрд теңгенің 42 инвестициялық жобасы жүзеге асты. Оның ішінде 2010 жылы – 23 жоба, 2011 жылы-13 жоба, 2012 жылы – 6 жоба», - делінген хабарламада.
Жалпы тау-кен-метталургиялық өндірісте 1,9 трлн теңгенің 83 жобасы жүзеге асырылуда. Ол 30 мың жұмыс орнын ұсынады.
Айта кетейік, тау-кен- металлургия саласының даму бағдарламасы 2010-2014 жылға арналған. Бағдарламаның мақсаты шикізатты өңдеу мен жоғарғы сапалы өнім өндіріп басқа сала кәсіпорындарын қамтамасыз ету болып табылады.
