Астанада ҚР Президентінің қатысуымен Үкімет отырысы өтуде (ФОТО)

«Біз Жолдауда айтылған барлық тапсырмаларды іске асыру бойынша тиісті жұмыстарды орындауға кірістік. Осыған орай, Үкіметтің арнайы отырысын өткізіп, экономикалық өсудің жаңа моделін құру үшін нақты іс-шаралар жоспарын айқындадық. Сондай-ақ, Жолдаудың әрбір тапсырмасы үшін жауапты адамдарды тағайындадық», - деді Қазақстанның Премьер-Министрі Бақытжан Сағынтаев.

Ол билік тармақтары арасында өкілеттіктердің аражігін ажырату бойынша тиісті заң жобасы әзірленіп жатқанын айтты. Осылайша, Үкімет Президенттің тапсырмаларына сәйкес саяси реформаны іске асыруды бастады. Сонымен қатар, ЭКСПО-2017 көрмесі бойынша дайындық жұмыстары да аяқталуға жақын.

«Біздің басты міндетіміз – Сіздің тапсырмаларыңызда айтылған тапсырмаларды бұлжытпай орындау. Үкімет Сіздің сеніміңізді жоғары бағалайды және біз Сіздің алдыңыздағы үлкен жауапкершілігімізді толық түсінеміз. Бүгін біз еліміздің әлеуметтік-экономикалық дамуының 2016 жылғы қорытындылары мен алдағы жылға қойылған міндеттер туралы баяндаймыз», - деді Бақытжан Сағынтаев.

Сурет: Шыңғыс Қаппаров