• Басты
  • Нидерландыда Астанада өтетін ЭКСПО-2017 көрмесі туралы сайт жұмыс істей бастады
2 Ақпан, 2017 18:36

Нидерландыда Астанада өтетін ЭКСПО-2017 көрмесі туралы сайт жұмыс істей бастады

Нидерландыда елдің «ЭКСПО-2017» халықаралық мамандандырылған көрмесіне қатысуына арналған ресми интернет-сайтпен таныстыру өтті, деп хабарлады Қазақстанның Сыртқы істер министрлігі.
Нидерландыда Астанада өтетін ЭКСПО-2017 көрмесі туралы сайт жұмыс істей бастады

Интернет-ресурс Нидерландының Сауда және инвестициялар жөніндегі ұлттық агенттігінің электрондық порталы базасында әзірленген. Сайтта голландиялықтардың баламалы энергетика саласындағы озық технологиялар мен инновацияларды әзірлеудегі жетістіктерін көрсететін Нидерландының ЭКСПО-2017 көрмесіндегі логотипі мен «Low Land, High Energy» ұраны алғаш рет ұсынылды.

Интернетті пайдаланушылар сайттан ЭКСПО-2017 көрмесіндегі Нидерландының ұлттық павильоны, көрмеге қатысушылар мен оның қонақтары үшін электрондық өтінім жіберу мүмкіндігімен іс-шаралар бағдарламасы туралы ақпарат, сондай-ақ Қазақстандағы пайдалы байланыс деректерін таба алады.  

«Қазақстанда бизнесті жүргізу» тарауында Астанада өткізілетін көрме голландиялық кәсіпкерлерге баламалы энергетика, ауыл шаруашылығы, «жасыл» технологиялар және инновациялар саласында іскерлік байланыстарды реттеу үшін кең мүмкіндіктер беретіні атап өтілген. Сайтта Нидерландының 2017 жылғы маусым-қыркүйек аралығындағы кезеңде жоспарланған Қазақстандағы сауда миссиялары туралы ақпарат орналастыру жоспарлануда.

Студенттермен – «болашақ новаторлар ұрпағымен» жұмыс жасауға ерекше көңіл бөлу жоспарланған. ҚР СІМ ЭКСПО көрмесінде Нидерланд делегациясы голландиялық және қазақстандық студенттер арасында білім алмасуды көздейтін «Innovation Challenge» акциясын өткізуді жоспарлап отырғанын атап өтті.

Бұдан бөлек, ресми сайттың ашылуы қарсаңында ҚР-ның Нидерландыдағы елшісі Мағжан Ілиясов және Нидерландының Ұлттық комиссары Ханс Дриссер голландиялық делегацияның 22-23 ақпанда Астанада көрменің халықаралық комиссарларының үшінші жиналысына қатысу үшін Қазақстанға алдағы сапарымен байланысты мәселелерді талқылады. 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды