Биыл Астанада онкологиялық орталықтың құрылысы басталады
30 Қаңтар, 2013 00:00
Астанадағы Ұлттық онкологиялық орталықтың құрылысы 2013 жылдың екінші жартысында басталады, деп хабарлады вице-премьер Е.Орынбаев ҚР Денсаулық сақтау министрлігінің кеңейтілген алқа мәжілісінде.
«Биыл онкология бағытында үлкен жұмыс жүргізудеміз, қазір ТЭН аяқталуға жақын. 2013 жылдың екінші жартысында Астанадағы онкологиялық орталықтың құрылысын бастаймыз деп ойлаймын. Әкімдік жер бөлді. Онкология жөніндегі бағдарлама қабылданды», - деді вице-премьер.
Бұдан басқа, ҚР Денсаулық сақтау министрлігінің мәліметі бойынша, 2013 жылдың соңына дейін еліміздің барлық өңірлерінде 28 инсульттық орталық құрылатын болады, бұл халықтың сұранысын толығымен жабады. Бүгінгі күні мұндай 20 орталық жұмыс істеп тұр.
