• Басты
  • «Жұмыспен қамтудың жол картасы-2020» бағдарламасы бойынша Ақмола облысының тұрғындары 960 млн теңгенің шағын несиелеріне ие болды
13 Желтоқсан, 2013 09:47

«Жұмыспен қамтудың жол картасы-2020» бағдарламасы бойынша Ақмола облысының тұрғындары 960 млн теңгенің шағын несиелеріне ие болды

Ақмола облысының әкімі Қосман Айтмұхаметов Целиноград ауданына жасаған жұмыс сапарында «Жұмыспен қамтудың жол картасы-2020» бағдарламасының іске асырылу қорытындысын жасады, деп хабарлайды облыс әкімдігінің баспасөз қызметі.
«Жұмыспен қамтудың жол картасы-2020» бағдарламасы бойынша  Ақмола облысының тұрғындары 960 млн теңгенің шағын несиелеріне  ие болды

«Өңір басшысы жұмыс жиыны кезінде аудан әкімдерінің «Жұмыспен қамтудың жол картасы-2020» бағдарламасы бойынша есептерін тыңдады. Және де бағдарламаны іске асыру үшін бөлінген қаражаттың игерілуі мен биылғы жылдың атқарылған шаралары және ғимараттардың, автожолдардың, елді-мекендердің күрделі жөндеуі мәселесі қаралды», - делінген хабарламада.

Жалпы, бағдарлама аясында шамамен 1,2 мың жаңа жұмыс орны ашылды. Бағдарламаның екінші бағыты бойынша 430-дан астам адам 960 млн теңге көлемінде шағын несие алған.

Бағдарламаның үшінші бағыты – жұмыс берушілердің сұранысына сай қайта оқыту мен қоныстандыру арқылы жұмыспен қамту бойынша 500-ден астам облыс тұрғыны кәсіби оқытудан өтіп, 599 адам әлеуметтік жұмыс орындарына орналасса, жастар тәжірибесіне 390 адам мүмкіндік алған. Осы мақсаттарда республикалық бюджеттен 536 млн теңге бөлінген.

Жиын қорытындысы бойынша облыс басшысы аудан әкімдеріне инженерлік инфақұрылым мен бағдарлама бойынша оқудан өткен азаматтарды тұрақты жұмыс орындарымен жұмыспен қамтуға бөлінген қаражатты игеруі тапсырды.

 

Барлық жаңалықтар
18.207.102.38, 192.168.88.100