• Басты
  • Биыл Астанада балаларды мектепке дейінгі біліммен қамту 72 пайызды құрайды - әкімдік
30 Қаңтар, 2017 10:38

Биыл Астанада балаларды мектепке дейінгі біліммен қамту 72 пайызды құрайды - әкімдік

2016 жылы қалада балаларды мектепке дейінгі білім берумен қамту 70,6% құрады, бұл 2015 жылмен салыстырғанда 6,1% өсім, деп хабарлады қала әкімдігінің ресми сайты.
Биыл Астанада  балаларды мектепке дейінгі біліммен қамту  72 пайызды құрайды - әкімдік | Strategy2050.kz

«2017 жылы - 72%, 2018 жылы –72,1%, 2019 жылы – 97,7%, 2020 жылы - 100% көрсеткішке қол жеткізу жоспарланған.Орындардың жетіспеушілігі мәселесінің шешімін табу үшін осы үдеріске жеке секторды белсенді қатыстыруға шешім қабылданған. Қазіргі таңда жеке балабақшалар желісі 116 ұйымды құрайды. Оның ішінде 96 ұйымда мектепке дейінгі білім мен тәрбие беруге мемлекеттік білім беру тапсырысы орналастырылған», - делінген хабарламада.

Бүгінгі таңда 46 327 орындық мектепке дейінгі 167 мекеме ашу қажеттілігі анықталған. Осыған байланысты басқарма балабақша құрылысын салу бойынша жеке серіктестерді анықтау мақсатында байқау өткізген. 2016 жылы 20 желтоқсанда әлеуетті жеке серіктестер 1440 орындық балабақшалары бойынша 6 байқау өтінішін тапсырған.

Мектепке дейінгі мекемелердің жетіспеуі мәселесінің тиімді шешімі Коммуналдық мүлік және мемлекеттік сатып алу басқармасы балансындағы тұрғылықты емес ғимараттарды беру болып табылады. Мұндай шешім, өз кезегінде, жеке мектепке дейінгі мекемелер желісін арттыруға, мемлекеттік білім беру тапсырыстарын орналастыруға және орын жетіспеушілігін қысқартуға мүмкіндік береді.

Мемлекеттің білім беру тапсырысы дотациясына келетін болсақ, 2016 жылы ол 15 900 теңгеден 20 800 теңгеге артқан.

Жыл сайын бала бақшадан орын алу үшін кезекке тіркелетін балалар саны 10 мыңға артады және бүгінгі таңда көрсеткіш 3-6 жас аралығындағы 33240 баланы құрайды. Мемлекеттік білім беру тапсырысы бойынша 96 жеке меншік балабақшадағы балалар саны 8849 адамды құрайды. 

 

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды