• Басты
  • Шымкентте Мажар елінің өкілдігі ашылды
30 Қаңтар, 2017 10:19

Шымкентте Мажар елінің өкілдігі ашылды

Оңтүстік Қазақстан облысының әкімі Жансейіт Түймебаев Мажарстанның Сыртқы экономикалық байланыстар және Сыртқы істер министрлігінің Мемлекеттік хатшысы Миклош Иштванды және Венгрияның Қазақстандағы Төтенше және өкілетті елшісі Андраш Баранимен кездесті.
Шымкентте Мажар елінің өкілдігі ашылды | Strategy2050.kz

ОҚО әкімдігінің баспасөз қызметі   хабарлағандай,  басқосуда тараптар екіжақты өзара тиімді ынтымақтастық мақсатындағы  бірлескен жобалардың жүзеге асу барысын талқылады. 

  «Тарихқа көз жүгіртсек, екі ұлтта кең далада тіршілік еткен. Сондықтан болар венгр тілінде түркі сөздері көп кездеседі. Осының өзі біздің халықтардың ежелден тату қарым-қатыныста болғандығын аңғартады. Сондықтан бұдан былай Отүстік Қазақстан облысы мен  Мажар  елінің арасында сауда экономикалық, мәдени, гуманитарлық байланыстар нығая түсетініне сенімдімін», - деді Жансейіт Қансейітұлы. 

Аграрлық салаға бейім Оңтүстік Қазақстан облысы – венгрлік инвесторлардың қызығушылығын тудырып отыр. Аймақ басшысы елшілік өкілдеріне осы артықшылықтар туралы жан-жақты баяндап берді. Кездесуде сөз алған Мажарстанның  Қазақстандағы Төтенше және өкілетті елшісі Андраш Барани екі ел арасындағы саяси, экономикалық, әлеуметтік, мәдени салада бірлескен жобалардың жүзеге асып жатқанын жеткізді. 

«Бүгінде мажарлар Қазақстанға виза рәсімдемей-ақ келуіне мүмкіндік бар. Бұл өз кезегінде кәсіпкерлік саласын дамытуға, іскерлік қарым-қатынасты нығайтуға зор мүмкіндік береді»,-деді елші.

Келелі кездесуден кейін екі тараптың қатысуымен Мажарстанның Шымкент қаласындағы консулдығының ашылу салтанаты өтті. Жаңадан ашылған өкілдік алдағы уақытта екі мемлекет арасындағы стратегиялық әріптестікті нығайтып, тауар айналымы ұлғайғайып, инвестиция тартуға да септігін тигізбек.

Мажарстанның Қазақстан Республикасындағы Құрметті консулы болып «OTAU Group» компаниясының президенті, белгілі меценат Қайрат Молдасейітов тағайындалды.

Мажарстанның  Сыртқы экономикалық байланыстар және Сыртқы істер министрлігінің Мемлекеттік хатшысы Миклош Иштван мырза Қайрат Молдасейітовке Құрметті консул қызметін атқару патентін салтанатты түрде табыс етті. Сонымен қатар екі елдің өкілдері Құрметті консул декларациясына қол қойды. 

  Айта кетейік, бүгінгі таңда Мажар елі  Қазақстанның Шығыс Еуропадағы ең белсенді экономикалық әріптесі. Географиялық алшақтығына қарамастан, Қазақстан ТМД елдерінің арасында Ресей мен Украинадан кейін Мажарстан үшін 3-ші сауда серіктесі болып табылады. ҚР Ұлттық банкінің деректері бойынша Мажарстаннан Қазақстанға жалпы тікелей инвестициялардың ағымы 85,1 млн. АҚШ долларын құрайды. Ал, Қазақстанның инвестиция көлемі 8,7 млн доллар.

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды