Павлодар облысының Ленин кентінде жаңа әлеуметтік нысандар салынады
28 Қаңтар, 2017 12:49
Павлодардың ауылдық аймағына жататын Ленин кентінде қала әкімі Нұржан Әшімбетовтың есеп беру кездесуі өтті, деп хабарлады облыс әкімдігінің баспасөз қызметі.
Кейін қала басшысы өткен жылғы әлеуметтік-экономикалық даму барысы мен Ленин кентінің тұрғындарын алдағы уақытта күтіп тұрған жаңалықтарды ортаға салды. Әкімнің айтуынша, кентте бірнеше жаңа нысан салынатын болады.
Ветеринарлық пункт салынатын болады.
Жеке тұрғын үй құрылысының жаңа шағын ауданына арналған электр желілерінің құрылысына деген жоба аяқталуда. Сондай-ақ, биылғы жылы дене шынықтыру-сауықтыру кешенін салу жоспарланып отыр.
Ең бастысы, кентті орталықтан сумен қамсыздандыру мәселесі шешілетін болады. Үйлерді жыл соңына дейін орталықтан берілетін су құбырына қосу жоспарланған.
