• Басты
  • Ахмет Байтұрсынұлының мұрасын сақтауымыз қажет - И.Тасмағамбетов
27 Қаңтар, 2017 19:21

Ахмет Байтұрсынұлының мұрасын сақтауымыз қажет - И.Тасмағамбетов

Бүгін Қазақстан Республикасы Премьер-Министрінің орынбасары Иманғали Тасмағамбетов Алматы қаласындағы Алаш қайраткері, ғұлама ғалым Ахмет Байтұрсынұлының мұражай үйіне арнайы барып, тарих және мәдениет ескерткіші саналатын музей үйінің жылдар бойы қордаланған мәселелерінің шешілуіне мұрындық болмақ, деп хабарлады primeminister.kz.
Ахмет Байтұрсынұлының мұрасын сақтауымыз қажет - И.Тасмағамбетов

Еліміздің саяси тәуелсіздігі жолында күресіп, рухани мәдениетіміздің көшбасшысы болған Ахмет Байтұрсынұлының есімі мен еңбектерін ұзақ уақыт бойы айтуға тыйым салып, «тұмшалап» келгенімен, айтулы тұлға еңбегі халқы үшін мәңгілік өшпейтіндігін мойындатты.

А. Байтұрсынұлы мұражай үйінің директоры Райхан Сахыбекқызы вице-премьер Иманғали Тасмағамбетовті мұражай жұмысымен және ақынның жәдігерлерімен таныстыра отырып, түйткілді мәселелердің бар екенін жеткізді.  

Вице-премьер өз кезегінде алаш зиялыларының құнды мұраларын жинақтап, сақтауға келгенде аянбай еңбек ету қажет екенін айта отыра, осы дүниелердің құндылығына да ерекше тоқталды.  

«1934-1937 жылдары ақын тұрған осынау киелі шаңырақ – тарих пен тағылымның ордасы. Бұл үйдің әрбір кірпіші мен бұрышы Ахаңның қиын да қасіретті тағдырынан сыр шертеді. Сондықтан, біз бұл тарихи ескерткішті сақтауға, оның білім мен ғылымның, тәлім мен тәрбиенің ордасы ретінде дамытуға тиіспіз», - деді Иманғали Тасмағамбетов.

Үкімет тарапынан қайраткердің ғылыми еңбектерін зерделеуді жетілдіру мақсатында Қазақстан Республикасы Премьер-Министрінің орынбасары Иманғали Тасмағамбетов мұражайға ұлттық мәртебесін беру, Ахмет Байтұрсынұлы шығармаларының 10 томдығын шығару және деректі фильм түсіру жқнінде тапсырма берді. Қойылған міндеттерді жүзеге асыру үшін келесі аптада Астанада арнайы кеңес өткізілетіндігі айтылды.

Айта кетейік, 1934-1937 жылдар аралығында Ахмет Байтұрсынов тұрған үй мұражай ретінде 1998 жылы ақынның 125 жылдық мерейтойы қарсаңында ресми түрде ашылған. Сондай-ақ, биыл Алаш қозғалысының құрылғанына 100 жыл толады.

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды