• Басты
  • Жұмыс берушілердің МӘМС-ке аударатын жарналарының көлемін едәуір төмендету қарастырылған (ФОТО)
27 Қаңтар, 2017 17:23

Жұмыс берушілердің МӘМС-ке аударатын жарналарының көлемін едәуір төмендету қарастырылған (ФОТО)

ҚР Денсаулық сақтау министрлігі денсаулық сақтау және әлеуметтік-еңбек салалары бойынша заңнамаға түзету енгізу жөнінде қоғамдық тыңдау өткізді, деп хабарлады ҚР Денсаулық сақтау министрлігінің баспасөз қызметі.
Жұмыс берушілердің МӘМС-ке аударатын жарналарының көлемін едәуір төмендету қарастырылған (ФОТО)

ҚР Денсаулық сақтау министрлігі «Кейбір заңнамалық актілерге денсаулық сақтау және әлеуметтік-еңбек саласы мәселелері бойынша өзгерістер мен толықтырулар енгізу туралы» Қазақстан Республикасы Заңының жобасын ашық талқылау бойынша қоғамдық тыңдау өткізді.

ҚР Денсаулық сақтау вице-министрі Алексей Цой аталған заң жобасы Қазақстан Республикасының 18 заңы мен 7 Кодексіне түзету енгізуді қарастыратынын атап айтты.

Міндетті әлеуметтік медициналық сақтандыру бойынша заңға енгізілетін негізгі өзгерістер Әлеуметтік медициналық сақтандыру қорының кірісін, МӘМС жүйесінде медициналық көмек көрсету бойынша қор шығындарына байланысты мәселелерді, Қор жұмысын ұйымдастыру мен МӘМС жағдайындағы дәрілермен қамтамасыз ету шараларын қарастырады.   

Алексей Цой Заң жобасында жұмыс берушілердің МӘМС-ке аударатын жарналарының көлемін едәуір төмендету қарастырылған: 2017 жылдың 1 шілдесінен бастап мөлшерлеме 1 %-ды құрап, 2 есеге; 2018 жылдың 1 қаңтарынан бастап мөлшерлеме 1,5 %-ды құрап, 2 есеге төмендетіледі; 2019 жылы – 1,5 %-ды құрап, 2,66 есеге; 2020 жылдың 1 қаңтарынан бастап мөлшерлеме 2 %-ды құрап, 2,5 есеге; 2022 жылдың 1 қаңтарынан бастап мөлшерлеме 3 %-ды құрап, 1,66 есеге төмендетіледі. Ең жоғарғы жарна көрсеткіші 5%-дан 3%-ға азайды.

Халықтың әлеуметтік қорғалмаған тобы үшін мемлекет төлейтін жарнаның мөлшерлемесі де төмендетілді. Ең жоғарғы жарна көрсеткіші 7%-дан 5%-ға азайды. Сондай-ақ, 2018 жылдың 1 қаңтарынан бастап мөлшерлеменің 3,75 % көлемінде; 2019 жылдың 1 қаңтарынан 4 %; 2022 жылдың қаңтарынан бастап мөлшерлеме 4 %-дан кем емес, 5%-дан артық  емес болуы ұсынылды. 

Өздігінен жұмыспен қамтылған азаматтардың жарнасы 2017 жылдың 1 шілдесінен басталып, тұрақты түрде 5%-ды құрайтын болады (бірінші жылы өсім 2,5 есе болады). Сонымен қатар, жарнаны төлеу нысаны қайта қаралды. Ол кем дегенде аталған қаржылық жылға республикалық бюджет туралы заңмен бекітілген екі айлық жалақы көрсеткішін құрайтын болады.

Сурет: Бауыржан Жуасбаев

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды