Қазақстан нарығын импорттық тауар басып алады деу негізсіз – Р.Ошақбаев

«Қазақстанның Бірыңғай экономикалық кеңістікке енуінің белгілі бір теріс салдары бар, ал оның үстіне біз ДСҰ-ға кіретін болсақ, өз өнеркәсібімізді жоғалтып аламыз деген пікір қоғамдық ортада қалыптасып отыр. Бұл мәселеге нақты тоқталып өтсек, бірінші кезекте ДСҰ-ға мүшеліктен біз қандай нәтиже күтеміз деген сауалды қарастырайық. Ең алдымен тарифтер деңгейі өзгеретін болады. Қазақстан Кеден одағына енбес бұрын орташа кедендік тарифіміздің деңгейі 6,2%-ға жуық болды. Кеден одағына енгеннен кейін, қазіргі уақытта, қателеспесем, шамамен 11,4% деңгейінде, яғни 5,2%-ға артып отыр», - деді Р.Ошақбаев.

Оның айтуынша, сарапшылар ұсынып отырған мәліметтерге көз жүгіртіп өтетін болсақ, Қазақстанның ДСҰ-ға кіргеннен кейін еліміздің кедендік тариф деңгейі Ресей Федерациясының тарифі деңгейіне жақындай түспек. 

«Қалай алғанда да ол Қазақстанның Кеден одағына кіргенге дейінгі көрсеткішінен жоғары болмақ. КО-ға енгенге дейін біздің нарықтарымызға тауарлардың қолжетімділігі бойынша бізде либералдық шарттар болды. Қазіргі таңда олар жоғары, шамамен төмендейтін болады. Десек те, олар КО-ға енгенге дейінгі шарттардан жоғары болмақ. Сондықтан, Қазақстанда үшінші елдерден келген импорттық тауарлар қаптап кетеді деген ой негізсіз», - деп түйіндеді ол.