• Басты
  • Балалардың қауіпсіздігі, денсаулығы мен әл-ауқатына қатысты стандарттар мен ережелер 2017 жылы қайта қаралады
26 Қаңтар, 2017 11:28

Балалардың қауіпсіздігі, денсаулығы мен әл-ауқатына қатысты стандарттар мен ережелер 2017 жылы қайта қаралады

ҚР Премьер-Министрінің орынбасары Иманғали Тасмағамбетов ҚР Парламенті Сенатының депутаттары, оның ішінде Бірғаным Әйтімова жетекшілік ететін әлеуметтік-мәдени даму және ғылым жөніндегі комитеттің мүшелерімен кездесті, деп хабарлады primeminister.kz.
Балалардың қауіпсіздігі, денсаулығы мен әл-ауқатына қатысты стандарттар мен ережелер 2017 жылы қайта қаралады

Кездесу барысында әлеуметтік салаға қатысты маңызды сұрақтар талқыланды. Вице-премьер И. Тасмағамбетов атап өткендей, өткен жылы Парламентке білім, денсаулық және мәдениет мәселелері бойынша 7 қорытынды жолданды.

Балаларды балабақшаға кезекке қоюды және жолдама беруді автоматтандыру, мектепке дейінгі білім беру нысандарының желісін ұлғайту сияқты мектепке дейінгі білім және тәрбие беру мәселелері қаралды, оның ішінде ағымдағы жылы мемлекеттік-жекеменшік әріптестік аясында 41,9 мың жаңа орындар құру жоспарланып отыр.

Сондай-ақ, орта білім беруге қатысты апатты және үш ауысымдағы мектептердің орнына 56 нысан құрылысын салу, 2, 5, 7-сыныптарда жаңартылған бағдарламамен бес күндік оқу аптасына көшу, бітіру және оқуға түсу емтихандарын бөлу арқылы жаңа форматта ҰБТ өткізу сұрақтары қаралды.

Айта кетейік, ағымдағы жылы мектептегі тамақтану, құрал-жабдық, киім үлгісі, спорт және басқа да балалардың қауіпсіздігі, денсаулығы мен әл-ауқатына қатысты стандарттар мен ережелер қайта қаралады.

Кәсіптік-техникалық білім саласында «жалпыға бірдей тегін кәсіптік-техникалық білім» жобасын жүзеге асыру қарастырылуда. Алдын-ала мәлімет бойынша ол 47,3 мың адамды қамтиды, 65 жұмысшы мамандығы бойынша жаңа модульдік бағдарлама әзірленіп, жаңа бағдарламаны жүзеге асыру үшін 5 200 оқытушы мен өндірістік оқыту шеберлері оқытылды.  

Жоғары және жоғарғы оқу орнынан кейінгі білім саласында корпоративті басқару қағидасы енгізіліп, ішкі аудит қызметі құрылады. ЖОО-ның ұйымдастыру-құқықтық формасы өзгеріп, коммерциялық емес акционерлік қоғамдарға өтеді. ЖОО-на мемлекеттік аттестация халықаралық аттестациямен ауыстырылады.

Сонымен қатар, денсаулық сақтау саласында әлеуметтік медициналық сақтандыру қоры және оның филиалдарын құру мәселесі көтерілді. Осы жылы медициналық оқу орындарында педиатрия факультеті ашылады және педиатрия учаскелері қалпына келтіріліп, өңірлердегі барлық емханаларда электронды кезек енгізіледі. Халықаралық стандарттарға сәйкес кезең-кезеңімен онкологиялық диспансерлер базасында орталықтандырылған химиялық препараттарды құру кабинеттері ашылады. Сондай-ақ, дәрі-дәрмек бағасына регрессивті өлшем енгізу мәселесі қаралды.

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды