• Басты
  • Астанада француз суретшісінің фотокөрмесі ашылды (ФОТО)
26 Қаңтар, 2017 10:49

Астанада француз суретшісінің фотокөрмесі ашылды (ФОТО)

Әлемге танымал француз фотосуретшісі Жан-Франсуа Розье өткен жылы Қазақстан елордасына алғаш келіп, «Гипер Астана» деп аталатын экспозиция әзірлеген. Оның жұмыстарында бас шаһардың көрікті ғимараттары әдеттен тыс қызықты ракурстарда бейнеленген, деп хабарлады қала әкімдігінің ресми сайты.

Астанада француз суретшісінің фотокөрмесі ашылды (ФОТО) | Strategy2050.kz

 Суреттерде адамдар жоқ, тек құпияға толы Man in black қана. Астананы мұндай бейнеде әлі ешкім көрмеген болар. 

Қара киім киген адам  фотографтың альтер эгосы, оның өзі әр суретінде сырттан бақылаушы ролінде. Жан-Франсуа туындыларын графикалық бағдарламаларды пайдалана отырып жасайды. 

Суретші Астананы фотоға түсіру жұмыстарын өткен жылдың мамыр айынан бері жүргізген, нәтижесінде елордадағы 40-қа жуық ғимарат оның объективіне ілігіпті. Көрмеге 30 жұмыс ұсынылды.

 

«Барлығы Бейбітшілік пен келісім сарайынан басталады. Ғимарат айнаның арғы жағындағы әлемге ұқсайды, осы жерде Норман Фостердің командасына да орын табылыпты, оның өзі және басқа сәулетшілер бар. Суретшінің туындыларынан жануарларды жиі байқауға болады, адамдарды сирек көреміз. Тек құрылысы жүріп жатқан ЭКСПО қалашығында ғана адамдар бар. Ол климаты қатал елордада еңбек етіп жатқан құрылысшыларға құрмет білдіргісі келгендей», - дейді «Гипер Астана» көрмесінің кураторы Дина Байтасова.

Бір фотосуретті дайындауға бірнеше күн уақыт кеткен. Автор ғимараттың әр бөлігін жеке-жеке түсіріп, кейін бір суретке біріктіреді. Ол құрылыстың судағы көрінісін жиі пайдаланады, ал кейде нысанды құпия өрнекке айналдырып, мультипликациялайды.

«Бүгінгі фотография белгілі жоспарлы, перспективаны көрсетеді, ал Жан-Франсуа Розье суретші ретінде өзінің көргенін жеткізеді. Фотоөнер жалғыз ракурс жасауға мүмкіндік береді, сондықтан ол өзінің көргенін бір суретке топтастырып, адам көзінің мүмкіндігін кеңейтеді, қиялға жетелейді, шындықты әсірелейді, қаланың сюрреалистік бейнесін жасайды», - дейді Дина Байтасова.

 

Постмодернист суретші Версаль, Ыстамбұл, Барселона, Бразилиа, Баку және тағы басқа қалаларды өз шығармашылығына арқау қылған. Ал Жан-Франсуа Розьенің Астанасымен Бейбітшілік және келісім сарайында 12 ақпанға дейін танысуға мүмкіндік бар. 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды