• Басты
  • ОҚО-да «Дипломмен ауылға» бағдарламасы аясында 300 маман баспанамен қамтылады
26 Қаңтар, 2017 10:21

ОҚО-да «Дипломмен ауылға» бағдарламасы аясында 300 маман баспанамен қамтылады

Оңтүстік Қазақстан облысында «Дипломмен ауылға» бағдарламасы аясында әлеуметтік және агроөнеркәсіп кешені саласы мамандарына тұрғын үй сатып алу немесе салу үшін жеңілдетілген бюджеттік кредит түрінде 954,447 млн. теңге бағытталып, нәтижесінде 303 маман баспаналы болды.
ОҚО-да «Дипломмен ауылға» бағдарламасы аясында 300 маман баспанамен қамтылады

Облыс әкімдігі хабарлағандай, биылғы жылыда осы бағдарлама шеңберінде 1,1 млрд. теңге бөлініп,  нәтижесінде 300 жас маман тұрғын үй алмақ.

Жұмыссыз жүрген мамандарды елді мекендерге жұмысқа орналастырып, ауылдың жағдайын көтеру және ондағы кадр тапшылығын шешу мақсатында жасалған «Дипломмен ауылға» жобасы аясында өткен 2016 жылы 14 аудан, қала бойынша 773 маманға 114,766 млн. теңге көлемінде біржолғы көтерме жәрдемақы ұсынылды. Оның ішінде 496 – білім беру, 218 – денсаулық сақтау, 43 – агроөнеркәсіптік кешен, 9 – спорт, 5 – мәдениет, 2 – әлеуметтік қамсыздандыру саласының мамандары.

Сондай-ақ, «Жастар практикасы» бағдарламасы аясында 5 135 жас жұмыспен қамтылса, оның 1 982-сі ауыл жастары.  Ал, осы бағдарламамен жұмыс істеген азаматтардың 3 890-ы тұрақты жұмысқа орналасқан.

Жалпы жастар арасындағы жұмыссыздық деңгейі 2015 жылмен салыстырғанда 2 пайызға азайып отыр. Сонымен қоса, «Жасыл ел» бағдарламасы бойынша 2016 жылғы жұмыс маусымында 1350 жас абаттандыру және көгаландыру бойынша жұмыстармен қамтамасыз етілген.

Ал, студенттердің жазғы демалыс уақытын тиімді пайдалану мақсатында «Студенттік құрылыс жасақтарына» құрылыс мамандығында білім алатын 500 студент қамтылып, 12 мердігер компанияларда жұмыстар атқарды.

Айта кетйік, жалпы облыста 762 124 жас болса, оның ішінде 116 220-сы студент жастар.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды