• Басты
  • 5 мыңнан астам абитуриент ЖОО-да білім алуды жалғастыру мүмкіндігін алды
26 Қаңтар, 2017 09:18

5 мыңнан астам абитуриент ЖОО-да білім алуды жалғастыру мүмкіндігін алды

2017 жылғы қаңтардың 19-24 жұлдыздары аралығында ел өңірлеріндегі жоғары оқу орындарында былтыр оқуға шартты түрде қабылданған студенттер кешенді тестілеуден өтті, деп хабарлады БҒМ баспасөз қызметі.
5 мыңнан астам абитуриент  ЖОО-да білім алуды жалғастыру мүмкіндігін алды

2016 жылы талапкерлерге қиыншылықтар тудырып келген моральдық-психологиялық проблемалар қатарын жойып, жоғары білім алу мүмкіндігін айтарлықтай жеңілдететін шаралардың енгізілгені көпшілікке белгілі. Былтырғы жазда өткізілген ҰБТ немесе КТ нәтижелері бойынша ең төменгі шекті деңгейді бағындыра алмаған талапкерлер алғаш рет тесттерді қайта тапсыру мүмкіндігін алды. Нәтижесінде 12 мыңға жуық талапкер жоғары оқу орындарына түскен болатын.

Сонымен қатар, қайта өткізілген тестілеу қорытындылары бойынша да төменгі шекті балл жинай алмаған талапкерлер ЖОО-на бірінші семестр аяқталғанша, шартты түрде қабылданған. 19-24 қаңтар аралығында өткен кешенді тестілеуді аталған санатқа жатқызылатын студенттер тапсырып, олардың 5 мыңнан астамы ЖОО-да білім алуды жалғастыру мүмкіндігін алды.

Сондай-ақ, шет елдерде оқып, қазақстандық жоғары оқу орындарына ауысуға ықылас білдірген 12,5 мыңнан астам студент кешенді тестілеуді сәтті тапсырған. 

Осылайша, ағымдағы оқу жылында қосымша 30 мыңға жуық адам еліміздің жоғары оқу орнында білім алуға мүмкіндік алды. Бұл нәтиже еліміздегі жоғары білімі бар азаматтар үлесін арттыру жөніндегі стратегиялық міндеттермен жанасады. Мысалы, білім алуға бірдей мүмкіндік туғызу Экономикалық ынтымақтастық және даму ұйымына (ЭЫДҰ) кіретін мемлекеттердің басымдықтары қатарында. Білім алу мүмкіндіктері жоғары елдердің алғашқы бестігіне Швеция, Финляндия, Нидерланды, Бельгия (Фламанд аймағы) және Ирландия сынды мемлекеттер кіреді.

Осылайша, Қазақстанда кең бейінді мамандар үлесінің артуы арқылы жоғары білімді ұлт қалыптастыруға бағытталған шаралар әлемдік үрдістерге сай келеді.  Жоғары білімі бар адамдар жаңа жұмыс орындарын ашуға бастамашылық жасап, қажеттілік туындаған  жағдайда қысқа мерзімде қайта оқытыла алады.

Ал, ЖОО-дар үшін бұл нарықтың қажеттіліктеріне барынша сәйкес мамандарды дайындау міндеттерін іске асыру мүмкіндігі. Басқаша айтқанда, халықтың жоғары білім алу мүмкіндігін кеңейтудің экономикалық және әлеуметтік нәтижелері қоғамның дамуы мен жеке азаматтардың әл-ауқаттарын жақсартуға оң ықпал етпек.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды