Бас прокуратура өтініштерді ХҚКО арқылы қабылдау мүмкіндігін қарастыруда – А. Дауылбаев
«Бүгінде өтініштерді халыққа қызмет көрсету орталықтары арқылы қабылдау бойынша пилоттық жобаны іске асыру мәселесі пысықталып жатыр. Бұл шара да арызданушылардың прокуратура органдарына қолжетімділігін жылдамдатуға ықпал ететін болады», - деді ол.
«Кәсіпкерлердің құқығын қорғауға қатысты арыз-шағымдарға үлкен көңіл бөлінеді. Сенім телефондарына 780-нен астам олардың құқығының бұзылуына байланысты шағым түсті. Олардың жартысына жуығы тексеріс кезінде расталды», - деп хабарлады Бас прокуратура.
«Инновациялық әдістерді енгізу арызданушылардың прокуратура органдарына қолжетімділігін айтарлықтай жеңілдетіп отыр. Осылайша, азаматтардың өтініш-арыздарына жедел түрде ықпал ету мақсатында Бас прокуратура жанынан 2011 жылдан Cаll-орталық жұмыс істейді. Сондай-ақ қазіргі таңда арыз берушілерді бейнеконференциялық байланыс арқылы онлайн режимде қабылдау мүмкіндігі қарастырылған. Осылайша арызданушылар жол жүріп, шығын шығармай-ақ қажетті мәліметті жеткізе алады»- деді А.Дауылбаев.
2013 жылы оған қоса, Бас прокуратураға жүгіну 28 мыңға жеткен. Оның шінде 40 пайызы –органдардың қанағаттанарлықсыз қызмет істеуіне түссе, 30 пайызы меморгандардың әлеуметтік-экономикалық саласындағы қызметі бойынша түскен. 15 пайызы сот актісіне түссе, 11 пайызы орындалмау фактісі бойынша келді.
