• Басты
  • И.Тасмағамбетов Қазақстанда балалар ауылының 20 жылдығын атап өтуге қолдау көрсетуді тапсырды
24 Қаңтар, 2017 18:31

И.Тасмағамбетов Қазақстанда балалар ауылының 20 жылдығын атап өтуге қолдау көрсетуді тапсырды

ҚР Премьер-Министрінің орынбасары Иманғали Тасмағамбетовтің төрағалығымен «Қазақстандағы SOS балалар ауылы» корпоративтік қорына қолдау көрсету мәселесі бойынша селекторлық кеңес өтті.

И.Тасмағамбетов Қазақстанда  балалар ауылының 20 жылдығын атап өтуге қолдау көрсетуді тапсырды | Strategy2050.kz

Кеңес жұмысына «Қазақстандағы SOS балалар ауылы» корпоративтік қоры қамқоршылық кеңесінің төрағасы Серік Сейдуманов, Алматы, Астана және Қарағанды облыстары әкімдерінің орынбасарлары қатысты, деп хабарлады ҚР Премьер-Министрі орынбасарының   хатшылығы.

Биылғы жылы «Қазақстандағы SOS балалар ауылына» 20 жыл толады. Алғашқы отбасылық балалар үйі 90-шы жылдары құрылды.

Биылдан бастап Теміртау қаласындағы SOS балалар ауылындағы ата-анасының қарауынсыз қалған балалар мен жетімдерді 100 пайыз қаржыландыру жүзеге асырылуда. Ал, Алматы қаласында балалар ауылын жергілікті бюджеттен қаржыландыру үшін әкімдік оның меншік формасын өзгерту қажет деп санайды.

Бұған дейін SOS балалар ауылындағы ата-анасының қарауынсыз қалған балалар мен жетім балаларды 100 пайыз мемлекет есебінен қаржыландыру мәселесі көтерілген еді. Нәтижесінде 2015 жылы жергілікті атқарушы органдарға 2020 жылға қарай біртіндеп SOS балалар ауылындағы ата-анасының қарауынсыз қалған балалар мен жетім балаларды күтуді толық қаржыландыруды қамтамасыз ету ұсынылды.

Кеңес қорытындысы бойынша вице-премьер И. Тасмағамбетов Астана, Алматы қалалары мен Қарағанды облысы әкімдіктеріне «Қазақстандағы SOS балалар ауылы» корпоративтік қорының 20 жылдығын өткізу және дайындауға қолдау көрсетуді тапсырды.

Сондай-ақ, 2020 жылға дейін SOS балалар ауылдарындағы жетім балалар мен ата-аналарының қамқорлығынсыз қалған балаларды күтіп-бағуды толық мемлекеттік қаржыландыруға кезең-кезеңмен көшіру және тиісті жұмыстар жүргізу қажеттігін атады.

Сонымен қатар, балалар үйлері тәрбиеленушілерінің отбасыда өмір сүру және тәрбиелену құқығын толық іске асыруға мүмкіндік беретін балалар үйлерінің тәрбиеленушілерін орналастырудың «баланы қабылдайтын отбасы» жаңа нысанын енгізу, сондай-ақ, балалар ауылдарының нысанын қиын өмір жағдайындағы балаларды қолдау орталықтары ретінде қайта құруды қарастыру ұсынылды.

 

 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды