• Басты
  • Асқар Мамин Универсиада-2017 кезінде Қауіпсіздікпен қамтамасыз ету жөніндегі комиссияның отырысын өткізді
23 Қаңтар, 2017 20:19

Асқар Мамин Универсиада-2017 кезінде Қауіпсіздікпен қамтамасыз ету жөніндегі комиссияның отырысын өткізді

Алматыда ҚР Премьер-Министрінің бірінші орынбасары А. Маминнің төрағалығымен Алматыда өтетін 28-ші Бүкіләлемдік қысқы Универсиада-2017-ге дайындық кезінде қауіпсіздік пен құқықтық тәртіппен қамтамасыз ету жөніндегі ведомствоаралық комиссияның отырысы өтті.
Асқар Мамин Универсиада-2017 кезінде Қауіпсіздікпен қамтамасыз ету жөніндегі комиссияның отырысын өткізді

Алматыға жұмыс сапары барысында А. Мамин Универсиада нысандарын аралады: «Халық арена» мұз аренасы, «Сұңқар» халықаралық шаңғы трамплиндер кешені, Атлетикалық ауыл және «Алматы арена» мұз сарайы.

Ведомствоаралық комиссия отырысы аясында мемлекеттік органдардың басшылары, қауіпсіздікпен қамтамасыз етуге жауаптылар, 29 қаңтар мен 8 ақпан аралығындағы Универсиаданы өткізу күндері қауіпсіздік пен құқықтық тәртіппен қамтамасыз ету жөніндегі шаралар жоспарын іске асыру барысы туралы есеп берді.

Универсиада нысандары мен Алматы қаласындағы қауіпсіздік шараларын күшейту бойынша жүргізіліп жатқан шаралар туралы да айтылып өтті. Соның ішінде, Универсиада қонақтарын тіркеуді жүргізетін шаралар кешені әзірленген, Универсиада қонақтары мен қатысушыларын алып жүретін экипаждар құрылған, жол қауіпсіздігін қамтамасыз ететін бекеттер күшейтілген, Универсиаданың барлық нысандарында тәулік бойы кезекшілік ететін арнайы топтар құрылған. Барлығы шараларға шамамен 7 мың құқық қорғау органдарының қызметкерлері тартылады.  

Универсиадаға дайындық пен оны өткізуге қатысты жүргізіліп жатқан жұмыстар туралы Алматы қаласының әкімі Б. Байбек және Алматы облысының әкімі А. Баталов есеп берді.

Ведомствоаралық комиссия отырысын қорытындылай келе, ҚР Премьер-Министрінің бірінші орынбасары А. Мамин Универсиада қатысушылары мен қонақтарын қауіпсіздікпен қамтамасыз ету, сонымен қатар барлық спорт жарыстарын жоғарғы ұйымдастырушылық деңгейде өткізу негізгі басымдық болып табылатынын айтты.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды