СҚО-да «Қазпоштаның» алғашқы сәлемдеме супермаркетi ашылды
23 Қаңтар, 2017 09:58
Солтүстiк Қазақстан облысы әкiмi Ерiк Сұлтанов алғашқы сәлемдеме супермаркетi мен жаңғыртылған «Қазпошта» АҚ СҚОФ орталық операциалық учаскесiнiң ашылуына қатысып, құрылымдық бөлiмше өкiлдерiне жаңа автокөлiктердiң кiлттерiн табыстады, деп хабарлады облыс әкімдігінің баспасөз қызметі.
«Солтүстiк Қазақстандық облыстық филиалы өңiрдiң 700 елдi-мекенiне қызмет етедi. Пошта саласында әрдайым қызметтiң жаңа түрлерi енгiзiледi, халыққа қызмет көрсету сапасы жақсарып, қызмет түрлерi кеңейтiледi»,- дедi облыс әкiмi.
Өз кезегiнде «Қазпошта» АҚ Басқарма басшысы Бағдат Мусин өз сөзiнде жаңғыртылған пошта бөлiмшелерi елiмiздiң қалалары мен ауылдарында ашылатынын атап өттi.
Сондай-ақ, өңiр басшысы Ерiк Сұлтанов «Қазпошта» АҚ бөлiмшелерiнiң қызметкерлерiне GPS құрылғыларымен жабдықталған жаңа автокөлiктердiң кiлттерiн табыстады.
Кейiн өңiр басшысы мен iс-шара қонақтары сәлемдеме супермаркетi мен жаңғыртылған орталық операциалық учаскесiнiң жұмысымен танысты.
