• Басты
  • Екібастұзда қуаттылығы жылына 135 мың тонна өнімді құрайтын кремний зауыты салынбақ
21 Қаңтар, 2017 15:02

Екібастұзда қуаттылығы жылына 135 мың тонна өнімді құрайтын кремний зауыты салынбақ

Осы жылдың көктемінде Екібастұз қаласында кремний зауытының құрылысы басталады. Болашақ кәсіпорынның іргетасын қалау жұмысын мамыр айында бастау жоспарланған, деп хабарлады Павлодар облысының әкімдігі.
Екібастұзда қуаттылығы жылына 135 мың тонна өнімді құрайтын кремний зауыты салынбақ

Облыс әкімдігінде өткен жиналыста зауыттың бастапқы жобасы бойынша оның өндірістік қуаты жылына 35 мың техникалық кремний болса, кейін инвесторлар аймағымыздағы инвестициялық қолайлыққа байланысты жобаның жылдық қуатын 135 мың тоннаға дейін ұлғайту туралы шешім қабылданғаны белгілі болды.

«Бізге Екібастұз қаласындағы №1 электр станциясының жанынан 70 гектар жер бөлінді. Сонымен бірге, біз станцияның сыртқы электрмен қамту жүйесіне қосылуға техникалық шарт алдық. Яғни, біз электр қуатын  «KEGOC» АҚ-ның желісі бойынша емес, тікелей станцияның өзінен алатын боламыз. Сондай-ақ бөлінген жер шикізат орындарына жақын орналасқан. Кварцит Қарағанды облысынан, мұнай коксы Павлодардан, ал ағаш кесінділері Ресейден тасымалданады.  Бұл факторлар біздің өнімнің бағасының нарықтық бәсекеге  қабілеттілігін арттырады деп үміттенеміз», - деп хабарлады «ANSA Silicon» ЖШС өкілі  Болат Тоқтасынов

Бұл жобаға құйылған инвестициялардың жалпы көлемі 38 миллиард долларды құрайды. 2019 жылы кәсіпорындағы өндірістің үшінші кезегін іске қосқаннан кейін 600 жаңа жұмыс орыны құрылады.

Айта кету керек, «ANSA Silicon» ЖШС өкілдері жобаны кеңейтуге байланысты облыс әкімінен қосымша жер бөлуді сұраған еді. Бұдан бөлек, инвесторлар кремний өндірісінде аймағымызда өндірілетін кварцитті пайдалануды ұсынды. Аймақ басшысы қосымша жер учаскесін бөлу үрдісін жеделдетіп, бір айдың ішінде кәсіпкерлерге Ертіс өңіріндегі қай табиғат ресурстарын алуға болатынын анықтауды тапсырды.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды