• Басты
  • Қ.Қасымов: ІІМ жүйесінің қызметі азаматтардың қауіпсіздігін қамтамасыз етудің жалпы деңгейін көтеру (ФОТО)
20 Қаңтар, 2017 17:26

Қ.Қасымов: ІІМ жүйесінің қызметі азаматтардың қауіпсіздігін қамтамасыз етудің жалпы деңгейін көтеру (ФОТО)

ІІМ жүйесінің қызметі азаматтардың қауіпсіздігін қамтамасыз етудің жалпы деңгейін көтеру, деді ІІМ министрі Қалмұханбет Қасымов ІІМ алқасының кеңейтілген отырысы барысында.

Қ.Қасымов: ІІМ жүйесінің қызметі азаматтардың қауіпсіздігін қамтамасыз етудің жалпы деңгейін көтеру (ФОТО) | Strategy2050.kz

ІІМ алқа отырысына Қазақстан Республикасы Қауіпсіздік Кеңесі Президент-хатшысының көмекшісі В.З. Жұмаханов, министрліктің басшылық құрамы, аумақтық ішкі істер, қылмыстық-атқару жүйесі, төтенше жағдайлар департаменттерінің, сондай-ақ Ұлттық ұланның өңірлік қолбасшылығы мен аумақтағы жергілікті полиция қызметінің басшылары қатысты.

Жиында ішкі істер министрінің орынбасарлары баяндама жасап, қылмыстық-атқару жүйесі және төтетше жағдайлар комитетінің, сонымен бірге ішкі істер органдарының бірқатар аумақтық бөлімшелерінің басшылары есеп берді.

Алқа отырысы барысында Мемлекет Басшысы Н. Назарбаевтың қылмыстық әрекеттерден азаматтардың құқығын қорғау және құқықтық тәртіпті қамтамасыз етуге қатысты алға қойған міндеттерін іске асыру, ішкі істер органдары жедел-қызметтік жұмысында орын алып отырған олқылықтарды жою, жемқорлыққа қарсы күресті күшейту, тәртіп пен заңдылықты қамтамасыз ету, ішкі істер органдары жеке құрамының қызмет әдебі нормаларын сақтау мәселелері талқыланды.

Жол қауіпсіздігі және құқық бұзушылықтардың алдын алу, қоғамдық тәртіпті сақтауды қамтамасыз етуге байланысты жергілікті полиция қызметінің жұмысы талқыланып, сондай-ақ жедел іздестіру қызметі, қылмыстарды ашу және заңсыз есірткі айналымының жол кесу, тергеу мен анықтау қызметінің сапасын көтеру мәселелері де жан-жақты қаралды.

Қылмыстық-атқару жүйесі мен төтенше жағдайлар бөлімшелері қызметінің қорытындысы қаралып, пробация қызметін одан әрі дамыту шаралары, сондай-ақ құтқару қызметінің алдына қойылған міндеттер сөз болды.

Ішкі істер министрі Қ. Қасымов биыл ІІМ жүйесінің қызметі азаматтардың қауіпсіздігін қамтамасыз етудің жалпы деңгейін көтеру, соның ішінде Алматы қаласында бүкіләлемдік қысқы Универсиада ойындарын және Астана қаласында ЭКСПО-2017 халықаралық көрмесін өткізу кезінде қауіпсіздікті қамтамасыз етуге бағытталғанын атап өтіп, барлық қаралған мәселелерге қатысты нақты тапсырмалар берді.

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды