• Басты
  • Б.Сағынтаев: Қазақстан ИИДМБ-ға Нидерланды компанияларының қатысуына қызығушылық танытып отыр
20 Қаңтар, 2017 14:51

Б.Сағынтаев: Қазақстан ИИДМБ-ға Нидерланды компанияларының қатысуына қызығушылық танытып отыр

Үкімет үйінде Қазақстан Республикасының Премьер-Министрі Бақытжан Сағынтаев Қазақстан Республикасындағы Нидерланды Корольдігінің Төтенше және Өкілетті елшісі Дирк Ян Коппен кездесу өткізді.

Б.Сағынтаев: Қазақстан ИИДМБ-ға Нидерланды  компанияларының  қатысуына қызығушылық танытып отыр | Strategy2050.kz

Кездесу барысында Қазақстан мен Нидерланды арасындағы экономикалық ынтымақтастықтың қазіргі жағдайы мен перспективалық бағыттары талқыланды, деп хабарлады primeminister.kz.

«Біз Қазақстанның индустриалды-инновациялық және инфрақұрылымдық даму бағдарламаларына Сіздің елдің жетекші компанияларының қатысуына ниет білдіреміз. Голландтық өнеркәсіп технологиялары, алдыңғы қатарлы ноу-хау мен инновациялар ерекше қызығушылық танытады», - деді Бақытжан Сағынтаев.

Анықтама:Нидерланды Корольдігі бүгінде Қазақстан экономикасына тікелей инвестициялар құю көлемі бойынша ірі инвестор және сыртқы сауда айналымындағы көлем бойынша Қазақстанның ЕО-дағы екінші серіктесі (Италиядан кейін).

ҚР Ұлттық банкінің мәліметінше, Нидерландыдан Қазақстанға келетін тікелей инвестициялардың жалпы түсімі 2005 жылдан 2016 жылдың ІІ тоқсанына дейін 61,1 млрд АҚШ долларын құраған.

2016 жылғы қаңтар-қараша аралығында Қазақстан мен Нидерланды арасындағы сауда көлемі 3,079 млрд долларды құраған. 2015 жылы сауда айналымы 5,2 млрд долларды құраған (экспорт – 4,9 млрд, импорт – 0,3 млрд).

Қазақстанда 956 бірлескен кәсіпорын жұмыс істейді, олардың басым бөлігі мұнай және газ, геологиялық барлау, ауылшаруашылығы техникасын және жабдықтарын жеткізу, фармацевтика және медицина салаларында, халық тұтынатын тауарлар өндірісінде белсенді қызмет етеді.

2014 жылдан бастап «Атамекен» Ұлттық кәсіпкерлер палатасы мен Нидерландының өнеркәсіп иелері мен жұмыс берушілер конфедерациясы арасында Іскерлік кеңес әрекет етеді.

 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды