• Басты
  • Премьер-Министр Канаданың парламенттік делегациясымен кездесу өткізді
20 Қаңтар, 2017 13:14

Премьер-Министр Канаданың парламенттік делегациясымен кездесу өткізді

Үкімет үйінде Қазақстан Республикасының Премьер-Министрі Бақытжан Сағынтаевтың Қауымдар палатасының Сыртқы істер және халықаралық даму комитетінің төрағасы Роберт Нолттың басшылық етуімен, Канаданың парламенттік делегациясымен кездесуі өтті.
Премьер-Министр  Канаданың парламенттік делегациясымен кездесу өткізді

Кездесу барысында Қазақстан мен Канаданың әлеуметтік-экономикалық дамудың түрлі салаларындағы ынтымақтастық келешегі, соның ішінде ауылшаруашылығы, аграрлық өнеркәсіп, мәдени-гуманитарлық байланыс, азаматтық авиация, аэроғарыш және әскери-өнеркәсіптік салалардағы мәселелері талқыланды, деп хабарлады primeminister.kz.

Кездесуде басты назар 2016 жылы құрылған Қазақстан-Канада Іскелік кеңесі аясындағы екі елдің бизнес-құрылымдарының өзара іс-қимылына аударылды. Тараптардың пікірінше, кеңес қызметі екі ел арасындағы сауда-экономикалық және инвестициялық ынтымақтастықты жандандыруға мүмкіндік береді.

Премьер-Министр Канаданың Қазақстанның маңызды серіктесі екенін айтып өтті. Екі елдің де жаһандық экономикалық сын-тегеуріндерді еңсерудегі әрекеттері инфрақұрылымға инвестициялардың өсуі мен өңірлік және жаһандық экономикалық ықпалдастықты есепке алғанда сәйкес келетінін айтты.

Премьер-Министр Б. Сағынтаев канадалық компаниялардың Қазақстанда өтетін «ЭКСПО-2017» Халықаралық көрмесіне белсенді қатысуы және жаңартылмалы энергия саласында тәжірибе алмасу екі елдің қарым-қатынасын дамытуға жаңа серпін беретініне сенім білдірді.

Анықтама:

2016 ж. қаңтар-қарашада ҚР-ның Канадамен тауар айналымы  $327,3 млн-ды құрады. Қазақстан экспортының өсімі байқалды, соның нәтижесінде 2016 ж. 11 айында сауда теңгерімі ҚР үшін оңтайлы болып, $134 млн-ды құрады.

2016 ж. 1-жартыжылдығында Канададан ҚР-ға тікелей инвестициялар ағымы $70,0 млн-ды құрады. Канаданың СІМ-нің мәліметінше, 1994 ж. бастап ҚР-дағы инвестициялар көлемі шамамен  $16 млрд-ды құрады (2010-2014 жж. $10,98 млрд.). Канада инвесторлар арасында 11-ші орынға ие.

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды