• Басты
  • Н.Назарбаев Жоғарғы Сот кеңесінің сапалы кадрларды іріктеу жұмысындағы рөлін атап өтті
20 Қаңтар, 2017 12:29

Н.Назарбаев Жоғарғы Сот кеңесінің сапалы кадрларды іріктеу жұмысындағы рөлін атап өтті

Мемлекет басшысы Нұрсұлтан Назарбаев Жоғарғы Сот кеңесінің Төрағасы Анатолий Смолинді қабылдады, деп хабарлады Ақорданың баспасөз қызметі.

Н.Назарбаев Жоғарғы Сот кеңесінің сапалы кадрларды іріктеу жұмысындағы рөлін атап өтті | Strategy2050.kz

Кездесуде А.Смолин Мемлекет басшысына Жоғарғы Сот кеңесінің 2016 жылғы жұмысының нәтижелері, сондай-ақ «100 нақты қадам» ұлт жоспарын іске асыру барысында судьяларды іріктеу ісін оңтайландыру жөнінде мәлімдеді.

Нұрсұлтан Назарбаев Жоғарғы Сот кеңесінің жаңа ереже мен қабылданған заңға сәйкес сапалы кадрларды іріктеу бағытында жүргізіп жатқан жұмысының ерекше рөлін атап өтіп, оның қызметіне басқа органдардың араласуына жол берілмейтінін айтты.

«Біз толық объективтілік болу және араласпаушылық талабы сақталу үшін алғаш рет автономды Жоғарғы Сот кеңесін құрдық. Қазір судьяларды жаңа ережелер мен жаңа заңға сәйкес іріктеп жатырмыз», – деді Қазақстан Президенті.

А.Смолин судьяларды іріктеу тәртібі мен біліктілік талаптарын қатайтуды көздейтін Ұлт жоспарының 17-қадамының орындалуы туралы баяндады.

«Жүргізілген жұмыстар қорытындысы бойынша судья лауазымына елеулі кәсіби және өмірлік тәжірибесі бар тұлғалар тағайындалады», – деді А.Смолин.

Сондай-ақ, Жоғарғы Сот кеңесі төрағасы Судьялардың VII съезінде Қазақстан Президенті қойған міндеттерді орындауға қатысты жұмыстар туралы хабарлады.

Мемлекет басшысы кездесу қорытындысы бойынша сот жүйесіндегі кадрлық жұмысты жетілдіру ісін жалғастыруды тапсырды.

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды