• Басты
  • Универсиада-2017-ге әлем елдерінен 3 мың ерікті жұмыс істеуге тартылады
20 Қаңтар, 2017 10:56

Универсиада-2017-ге әлем елдерінен 3 мың ерікті жұмыс істеуге тартылады

Алматы әкімі Бауыржан Байбек 2017 жылғы 28-ші Дүниежүзілік қысқы Универсиаданың еріктілерімен кездесті. Студенттік ойындар кезінде үш мың жас Атлеттер ауылында, спорт нысандарында, түрлі функционалды учаскелерде орналастыру, аккредитациялау, көлік, логистика және басқада қызмет түрлерін атқаруға көмектеседі.

Универсиада-2017-ге әлем елдерінен  3 мың ерікті жұмыс істеуге тартылады | Strategy2050.kz

Қала әкімдігі хабарлағандай, еріктілермен жұмыс істеу жөніндегі департамент басшысы Абылай Қондыбаев өзінің сөзінде жастарды іріктеу кезінде 15 мыңнан астам өтініш түскенін, олардың ішінен Алматының 15 жоғары оқу орындарынан 2800 еріктінің таңдалғандығын, еліміздің өзге өңірлерінен 100 жастың, жақын және алыс шетелден 100 еркітінің қабылданғанын айтты.

Ресейдің, АҚШ-тың, Германияның, Польшаның, Корея мен Қытайдың, Ұлыбританияның және басқа да елдердің еріктілері үлкен қызығушылық білдірген. Еріктілерді іріктеу барысында ірі спорттық шаралар өткізуде ерікті ретінде мол тәжірибе жинақтаған әрі ағылшын мен өзге тілдерді еркін меңгерген жастарға басымдылық берілді.

Универсиада барысында еріктілер 32 функционалды бағыт бойынша жұмыс істейді. Арнайы топ қонақтарды күтіп алады, оларды Атлеттер ауылына орналастырады, қаланы аралатады, сонымен қатар төрешілер мен техникалық қызметкерлер үшін арнайы аумақтар дайындайды. Еркітілердің барлығы өзінің жұмыс бағыттарына қатысты коммуникацияны дамыту, тіл үйренуді жақсарту сияқты арнайы тренингтерден өтті.

Назарларыңызға, Алматыда Универсиада 29 қаңтар мен 8 ақпан аралығында спорттың 12 түрі бойынша өтіп, 86 медальдар топтамасы додаға түседі.

 

 

 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды