Түркістанда 2013 жылдың желтоқсанында қажылық кешен ашылады – ОҚО әкімі

«Түркістандағы қажылық орталық биылғы жылдың желтоқсан айының соңында ашу жоспарланып отыр. Орташа есеппен жыл сайын Түркістанға 600 мың турист келетіні анық. Бұл жердің қасиетті жер екенін ескерсек, туристердің дені діни мақсатпен келеді. Алайда  саяхатшылар мұнда өздеріне жайлы қонақ үй жалдай алу мүмкіндігіне ие емес. Амалсыздан олар жергілікті халықтың үйлерін жалдап тұрады», - деді А.Мырзахметов.

Облыс әкімінің айтуынша, осы жағдайды ескере отырып, туристерге жайлы қонақ үй мен құрбандықтарын шалу орнын және діни ақпараттандыру қызметін ұсынатын орталық салу туралы шешімге келіп отырмыз.

«Орталықта туристерге дәстүрлі және дәстүрлі емес діни жоралғылардың ара-жігін ажырататын әдебиеттер ұсынылады», - деді әкім.

Сонымен қатар, соңғы жылдары мәдениет саласында 29 жаңа нысан пайдалануға берілді. 39 нысан күрделі жөндеуден өтіп, 47 нысанға ағымдық жөндеу жасалды.