ҚР-да 2013 жылдың қазан айында халық табысы 55 135 теңгені құрады - Статагенттігі
12 Желтоқсан, 2013 12:04
2013 жылы қазан айындағы халықтың орташа номиналды ақшалай кірісі, алдын ала болжамдар бойынша, 2012 жылдың осы уақытындағы көрсеткіштен 5,1 пайызға артып, 55135 теңгені құрады, деп хабарлайды ҚР Статистика агенттігінің баспасөз қызметі.
Осыған сай халықтың нақиты ақшалай кірісі де 0,2%-ға өскен.
«2013 жылдың қазан айындағы орташа ақшалай кіріс көлемі бойынша республика көлемінде Атырау облысы, Алматы мен Астана қалалары алдыңғы үштікке еніп, ондағы көрсеткіштер республиканың орташа деңгейінен 2,2 -1,7 есеге артқан», - делінген хабарламада.
2013 жылдың қазан айындағы ең төменгі көрсеткіштер Оңтүстік Қазақстан, Жамбыл, Алматы облыстарында тіркелген. Олардың көрсеткіштері республиканың орташа деңгейінің 62,7% -79,9%-ын құрайды.
Сонымен қатар, нақты ақшалай табыстың қарқынды өсіп келе жатқан өңірдері ретінде Солтүстік Қазақстан мен Маңғыстау облыстары аталады.
