• Басты
  • 2016 жылы ақтөбелік КҚС 20 млрд теңгеден астам қаражат алды (ФОТО)
18 Қаңтар, 2017 09:56

2016 жылы ақтөбелік КҚС 20 млрд теңгеден астам қаражат алды (ФОТО)

2016 жылы Ақтөбе облысында кәсіпкерлік қызмет субъектілерін барлық көздерден қаржыландыру сомасы 21 млрд теңгеге жетті, бұл 2015 жылға қарағанда бір жарым есе артық, деп хабарлады облыстық кәсіпкерлік басқармасының басшысы Анар Даржанова мемлекеттік органдардың, облыс кәсіпорындары басшыларының, өңірдің шағын және орта бизнес өкілдерінің қатысуымен әкімдікте өткен жиналыс барысында.

2016 жылы ақтөбелік КҚС 20 млрд теңгеден астам қаражат алды (ФОТО) | Strategy2050.kz

Ол ӨҮК 2016 жылы бизнес субъектілерінің 316 өтінімін мақұлдағанын атап өтті, осы ретте «Бизнестің жол картасы 2020» бағдарламасы аясында ауылдық кәсіпкерлерді несиелендірумен қамтуға баса назар аударылды. «Жас Старт» және «Кең Дала» несиелендіру бағдарламалары іске асырылуда, олардың аясында банктер 791,3 млн теңгеге 67 субъектіні несиелендірді. 184,8 млн теңге сомасына тағы 15 жоба несие алу кезеңінде.

«БЖК іске асыруға 2017 жылы республикалық бюджеттен 1,166 млрд теңге және инфрақұрылымға тағы 283,8 млн теңге бөлінді. Ағымдағы жылы 4,2 млрд теңге сомасына шағын несие қаражаты күтілуде және өнімді жұмыспен қамтуды және бұқаралық кәсіпкерлікті дамытудың жаңа бағдарламасын іске асыру басталады, оның нәтижесінде қолданыстағы бизнестің 1 500 бірлікке көбеюі күтілуде», - деді  А. Даржанова.

«Бізде Мемлекет басшысының тапсырмаларын орындау үшін барлық мүмкіндіктер бар және басқа өңірлермен салыстырғанда логистика, энергетикалық ресурстардың құны, адами ресурстар бойынша бірқатар басымдықтар бар. Әкімшілік тосқауылдардың, тексерулердің азаюы, рұқсат беру құжаттарын ресімдеу мен алуды жылдамдату күтілуде», - деді облыс әкімі Бердібек Сапарбаев жиналыс барысында.

Сондай-ақ өңір басшысы компания басшыларына бизнесті жүргізу мәдениеті туралы еске салды.

Жиналыс соңында өңір басшысы кәсіпкерлерге ҚР Тәуелсіздігінің 25 жылдығына орайластырылған халықтың әлеуметтік осал топтарын қолдау жөніндегі қайырымдылық акциясына қатысқаны үшін алғыс білдіріп, кәсіпкерлік басқармасына КҚС-ті «Туған жерге тағзым» акциясына тарту бойынша жұмысты күшейтуді тапсырды.

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды