ҚР-да Рио-дағы паралимпиада ойындарының қазақстандық жеңімпаздарының суреттері бар маркалар шығарылды

17 Қаңтар, 2017 18:29

Қазпошта «Рио-де-Жанейродағы XV Паралимпиада ойындары» тақырыбына «Спорт» сериясының пошталық маркаларын айналымға шығарды.

Пошталық маркаларда Қазақстан Республикасы паралимпиада құрама командасының жүлдегерлері – 2016 жылғы XV Жазғы Паралимпиада ойындарының жүзуден чемпионы атанған Зульфия Габидуллинаның және пауэрлифтинг бойынша күміс жүлдегер Раушан Қойшыбаеваның суреттері белгіленген.

«Филателист-коллекция жинаушылар марканың дизайнын және пошталық маркада көрсетілген оқиғаның маңыздылығын бағалайды деп сенеміз. Бұл дәстүрге айналып, Қазақстанның әрбір Паралимпиада кезеңі алтын медальдармен атап өтілуі мүмкін», - деді Ұлттық Паралимпиада комитетінің атқарушы директоры Ерлан Сүлейменов.

Әрбір марканың номиналы 200 теңге. Пошталық маркалар «Қазақстан Республикасы Ұлттық банкінің Банкноттық фабрикасы» республикалық мемлекеттік кәсіпорнында басып шығарылған, деп хабарлады ұлттық компания.

Еске сала кетейік, XV Паралимпиада ойындары 2016 жылғы 7-18 қыркүйекте Рио-де-Жанейрода (Бразилия) өткен болатын. Жарыстар 2016 жылғы жазғы Олимпиада ойындары үшін пайдаланылған алаңдарда өткен.

Барлық жаңалықтар