Қазақстандық спортшылар 2017 жылғы Универсиададағы жеңісі үшін 4,9 млн теңге алмақ (ФОТО)

17 Қаңтар, 2017 11:49

Қазақстандық спортшылар Алматыда өтетін 28-ші Дүниежүзілік қысқы Универсиададағы жеңісі үшін 4,9 млн теңге алмақ. Бұл жөнінде ҚР Үкіметінің кезекті отырысында мәдениет және спорт министрі Арыстанбек Мұхамедиұлы мәлімдеді.

«Спортшылар бірінші орын үшін - 4,9 млн теңге, екінші орын үшін - 3,3 млн теңге және үшінші орын үшін 1,6 млн теңге алады», - деп хабарлады А. Мұхамедиұлы.

Сондай-ақ ол Қазақстанның құрама командасына жарыс бағдарламасына кірген барлық спорт түрлері бойынша 168 спортшы мен 65 жаттықтырушы кіретінін де атап өтті.

«Қазіргі уақытта Универсиадаға қатысу үшін студенттер құрама командасын дайындаудың соңғы кезеңі өтіп жатыр. Осы мақсат үшін дайындық, жарыс және қалпына келтіру кезеңдерінің жоспарланған кезеңдерінің орындалуын қамтамасыз ететін мамандар мен жаттықтырушылар бригадасы жұмыс істейді», - деді министр.

Еске сала кетейік, Дүниежүзілік қысқы Универсиада 28 қаңтардан 8 ақпанға дейінгі аралықта Алматы қаласында өтеді. Алдыңғы жарыстарға әлемнің 59 елінен 2000-нан астам спортшының қатысуы жоспарланған. 12 спорт түрі бойынша 86 медаль жинағы ұтысқа шығарылады.

Қайрат Жандыбаев

Сурет Бауыржан Жуасбаев

Барлық жаңалықтар