Сенатор А.Бижанов Алматының еңбек ұжымдарымен кездесті

16 Қаңтар, 2017 18:32

Парламент Сенаты Әлеуметтік-мәдени даму және ғылым комитетінің мүшесі Ақан Бижанов Алматыдағы еңбек ұжымдарымен кездесу өткізді, деп хабарлады Сенаттың баспасөз қызметі.

А. Бижанов № 153 мектеп-гимназиясында, «MagnumCash&Carry» ЖШС-де, «Ильдаш» татардың гуманитарлық даму орталығында, «Шырақ» мүгедек әйелдердің ассоциациясында, «Астана банкі» АҚ-да болды.

Шара барысында сенатор «100 нақты қадам» Ұлт жоспары және бес институттық реформаларды іске асыру туралы хабардар етіп, Парламент қабылдаған заңдар, оның ішінде көші-қон мен жұмыспен қамтуға қатысты ережелер туралы әңгімеледі. Жүздесуде еліміздің және Алматы қаласын дамытудың келешегі де талқыланды.

Кездесуге қатысушылар білім беру, ғылым және дәрігерлік қызмет көрсету мәселелеріне баса назар аударды. Депутат «Нұрлы Жол» мемлекеттік бағдарламаларын іске асыру туралы жұртшылықты хабардар етті. Діни экстремизм мен терроризмге қарсы іс-қимылдың құқықтық мәселелері де талқыланды.

А. Бижанов алматылықтармен кездесуде Мемлекет басшысының Қазақстан Тәуелсіздігінің 25 жылдығына арналған салтанатты жиналысында алға қойған стартегиялық міндеттердің маңыздылығын атап өтті.

Барлық жаңалықтар