ШҚО-да ерекше балалар мамандық ала бастады (ФОТО)

Жаңадан келген тәрбиеленушілер қысқа мерзімге қарамастан, жақсы бейімделіп, айналадағыларымен достасып үлгерді. Жобаға бастама етуші облыс әкімі Даниал Ахметов, деп хабарлады ШҚО Ақпарат орталығы. 

Интернаттағы барлық үй-жайлар тұтқалармен, көтергіштермен, төсек маңындағы үстелдермен жарақтандырылған. Балалар педагогтер мен докторлардың мұқият қадағалауымен бейімделуде. Сондай-ақ олардың жай-күйін психолог бақылайды.  

«Ақниет» интернаты олар үшін көп дос табатын, әлеуметтік қоғамда өмір сүруге үйренетін, қиындықтарды өз бетінше жеңетін екінші үйлеріне айналуы тиіс.

«Бізді балалардың бейімделіп жатқаны қуантады. Олар ашық – бұл ең бастысы. «Ақниет» қабырғасында олар қажеттінің барлығымен қамтамасыз етілген. Мектеп пен сабақтардан кейін оларды үйірмелер мен емдік шаралар күтеді. Оларда серуендеу үшін де уақыттары бар. Ата-аналарымен күн сайын телефон арқылы сөйлеседі, олар өз балаларын кез келген уақытта көре алады. Тұру, емделу, тамақтану – барлығы тегін. Облыс басшылығы, әкімдік үнемі қолдау көрсетеді»,  - деп атап өтті мектеп-интернаттың директоры Светлана Кривицкая.

Мекеме 100 орынға арналған. Мұндағы балалар Шығыс Қазақстанның әр түрлі қалалары мен аудандарынан келген. Үшінші тоқсанда олардың жартысынан астамы Өскемен қаласының №15 орта мектебіне барған.

Жоғары сынып оқушылары мамандық таңдау алдында. Интернатта және Өскемен мектептерінде оларға бухгалтер, ЭЕМ операторы, бағдарламашы, аудармашы, кітапханашы мамандықтары ұсынылуда.

Медициналық қызметтер спектрі әрқайсысы үшін жеке көрсетіледі. Логопед, дефектолог, тифло-, сурдопедагог және басқа мамандардың кабинеттерінде оларға коррекциялық қолдау көрсетіледі. Емдік дене шынықтыру және массаж бойынша сабақтар өтеді. Сондай-ақ балалар шығармашылық және интеллектуалдық қабілеттерін дамыту бойынша сабақтарға да қатысуда.

Қалалық және облыстық байқауларға қатысу да жоспарда бар екенін атап өту қажет.