2016 жылы ҚР-да бөлшек сауда көлемі 7661,8 млрд теңгені құрады

Сәйкес кезеңде сауда кәсіпорындары арқылы тауарларды өткізу көлемі 4120,4 млрд. теңгені немесе өткен жылдың тиісті кезеңінің деңгейіне 103,4%-ды құрады. Сонымен қатар, ірі сегмент кәсіпорындары бойынша (жұмыскерлер саны 50-ден жоғары) бөлшек сауданың нақты көлем индексі 2015 жылғы қаңтар-желтоқсанмен салыстырғанда 97,9%-ды құрады.

Дара кәсіпкерлердің, соның ішінде базарларда саудамен айналысатындардың бөлшек сауда көлемі жалпы көлемнің 46,2%-ын алады, өткен жылғы қаңтар-желтоқсанмен салыстырғанда олардың көлемі 1,9%-ға төмендеді.

Бөлшек сауда құрылымында азық-түлік емес тауарлар басым (бөлшек сауданың жалпы көлеміне 64,3%). Азық-түлік емес тауарлардың бөлшек саудада өткізілуі өткен жылдың тиісті кезеңімен салыстырғанда 1,4%-ға төмендеп, азық-түлік тауарлары  6,2%-ға өсті.

2017 жылғы 1 қаңтарға бөлшек саудадағы сауда кәсіпорындары (есепті тапсырған кәсіпорындар бойынша) тауарлық қорларының көлемі 387,1 млрд. теңгені, саудадағы күндері 46 күнді құрады.

2016 жылғы қаңтар-желтоқсанда республикадағы бөлшек сауданың жалпы көлеміндегі едәуір жоғары үлес салмақ Алматы қаласына (28,3%), Астана қаласына (10,9%), Шығыс Қазақстан (9,4%) және Қарағанды облыстарына (9%) келеді.