ШҚО Тарбағатай ауданында бірқатар әлеуметтік нысандар ашылды

12 Желтоқсан, 2013 11:15

Шығыс Қазақстан облысы Тарбағатай ауданында 4 жаңа балабақша мен ардагерлерге арналған 2 орталық пен тауарлық жұмыртқа өндіретін цех қолданысқа берілді, деп ШҚО ақпараттық орталығы хабарлады.

«Жәнтікей, Екпін, Ақсуат және Ақжар ауылдарында жаңа балалақшалар есіктерін айқара ашты. Сонымен қатар, ауданда ардагерлер орталығы мен тауарлық жұмытқа шығарудың цехы қолданысқа берілді», - делінген хабарламада.

Жаңа балалақшалар бүлдіршіндерді тәрбиелеуге қажетті жабдықтармен толық қамтамасыз етілді.

«Мемлекеттің қазіргі даму деңгейін ауданның қазіргі көрсеткіштерінен-ақ байқауға болады. Тарбағатай ауданы жаңа жобалар, әлеуметтік- экономикалық көрсеткіштерімен алғашқы қатардан көрініп келеді. Яғни бұл - аудан тұрғындарының тыныс-тіршілігі де жақсарып келеді деген сөз. Сол себепті жаңа нысандардың ашылуы ең біріншіден жергілікті тұрғындардың игілігі үшін ашылып отыр»,- деді өз сөзінде облыс әкімі Б.Сапарбаев.

Ауданда «Жұмыспен қамту-2020» бағдарламасының даму қарқыны да ерекше аталып өтті. Жәнтікей ауылында тауарлы жұмытқаларды өндірудегі цехтың ашылуы сонын бір дәлелі іспеттес.

Айта кетерлік жайт, бұл нысандардың іске қосылуы мемлекеттік -жеке меншік серіктестіктің негізінде жүзеге асты.