БЖК: Ақтөбелік кәсіпкерлер 529 қаржы құралы бойынша қолдау алған
14 Қаңтар, 2017 10:02
«БЖК 2020» бағдарламасы бойынша «Даму» қоры арқылы ақтөбелік кәсіпкерлер 2016 жыл қорытындылары бойынша 529 қаржы құралы бойынша қолдау алды, деп хабарлады «Даму» қорының Ақтөбе облысы бойынша өңірлік филиалының директоры Жеделбек Мырзағалеев «Ақтөбе ақпарат» ақпараттық орталығында өткен баспасөз конференциясы барысында.
«Кең дала» өңірлік қаржыландыру бағдарламасы аясында жыл басынан бері 505,8 млн теңге сомасына 43 жоба қаржыландырылды. «Ақтөбе Жас Старт» өңірлік қаржыландыру бағдарламасы аясында 182,1 млн теңге сомасына 15 жоба қаржыландырылды», - деді Ж. Мырзағалеев.
Осы ретте, оның айтуы бойынша, «Даму» КДҚ» АҚ арқылы іске асырылатын басқа қаржыландыру бағдарламалары бойынша 221 кәсіпкерлік субъектісі 15,5 млрд теңге сомасына қолдау алған.
«2016 жыл қорытындылары бойынша «Даму» қоры арқылы мемлекеттік бағдарлама аясында ақтөбелік кәсіпкерлер 33,1 млрд теңге сомасына 529 қаржы құралы бойынша қолдау алған», - деп қорытты ол.
