Денсаулық сақтау министрі медициналық ЖОО студенттерін еңбек жолдарын ауылдан бастауға шақырды
«Қазіргі таңда біздің ауылдар дәрігерлерге мұқтаж. Бұл жас мамандар үшін де маңызды. Ауылдық мамандарға бүгінде әлеуметтік пакет қарастырылған: тұрғын үй, жоғарылайтын жалақы және өзге де көмектер бар. Бұдан бөлек ауылдық жерлерде еңбек ету жас мамандар үшін үлкен мектеп екенін де ескеру керек», - деді Бас дәрігер М.Оспанов атындағы Батыс Қазақстан мемлекеттік медицина университетінің студенттеріне.
Медицина белсенділері және студенттерімен кездесуде министр студенттерді дайындау сапасы мен заманауи құрылғыларда жұмыс істей алу мәселесін көтерді.
Сонымен қатар, С.Қайырбекова тәжірибеден өтіп жатқан дәрігерлердің біліктілігін арттыру керектігін айтты. Бұл үшін Ақтөбеде ынталандыру орталығы ашылған. Оның қызметі республиканың батыс өңірлеріндегі дәрігерлердің біліктілігін арттыру.
