Сайрамда 1 мың отбасы көгілдір отынға қол жеткізді (ФОТО)
Қарабұлақтағы 7438 абоненттің, яғни 43 мыңнан астам тұрғынның табиғи газға қосылуы үшін техникалық шарттар жасалып, құжаттары рәсімделуде. Бүгінде нақты 1 мыңға жуық отбасы көгілдір отынға қол жеткізіп отыр.
Көшеішілік газ құбырын жүргізу құрылысының аяқталу салтанатына облыс әкімі Жансейіт Түймебаев пен «ҚазТрансГаз Аймақ» АҚ Оңтүстік Қазақстан өндірістік филиалы директорының бірінші орынбасары Асқар Мәукенов, жергілікті тұрғындар мен БАҚ өкілдері қатысты.
Тұрғындардың қуанышымен бөлісе келген аймақ басшысы, бұл жетістіктің егеменді еліміздің әрбір жылы қалыптасу, толысу, өсіп-өркендеу жылдарында мүмкін болып отырғанын айтты.
«Егемендігіміздің ширек ғасырында ел игілігі үшін көптеген істер атқарылды. Алақандай ауылдарда заман талабына сай мектептер мен балабақшалар, медициналық мекемелер салынды. Қаншама шақырымдарды құрайтын ішкі жолдар жөнделді. Өңіріміздің көптеген елді мекендері таза сумен қамтылып, тұрғындар табиғи газға қол жеткізуде. Соның бір айғағы – бүгін өздеріңізбен бірге 43 мыңнан астам адамды табиғи газбен қамтитын көшеішілік газ құбырын салтанатты түрде іске қосып отырмыз»,-деді әкім.
Аталған елді мекенді табиғи газбен қамтамасыз ету жұмыстары 2013 жылы басталған болатын. Жобалау-сметалық құжаттамаға сәйкес, осы мерзім ішінде 315,5 шақырым газ құбырлары жүргізіліп, 3719 ШГТП (шкафтық газ тарату пункті) орнатылды. Елді мекенді табиғи отынға қосу жұмыстарына облыстық бюджеттен 2 млрд. теңгеден астам қаражат бөлінген.
Жалпы, Сайрам ауданында 42 елді мекен болса, ондағы жергілікті халықтың саны 203 мыңнан астам адамды құрайды. Бүгін ел игілігіне беріліп отырған Қарабұлақ ауылын қоса есептегенде, аудандағы көгілдір отынға қол жеткізген елді мекендер саны 19-ға (мұнда 158 688 адам өмір сүреді) жетіп, табиғи газбен қамтылу деңгейі 78 пайызға жетіп отыр.
Алдағы уақытта құрылысы аяқталған «Бейнеу-Бозай-Шымкент» магистральдік газ құбырына №20 «Жаңақоғам» АГТС арқылы Сайрам ауданындағы қалған 23 елді мекен қосылып, жоспар бойынша 2020 жылға дейін толық табиғи газбен қамтамасыз ету көзделуде.
-
Ш.Қаринова: Талантты балаларды қолдау бойынша Жол картасы әзірленіп жатыр
ҚР Президенті өз жолдауында ауылдық жерде тұратын, аз қамтылған және көпбалалы отбасылардан шыққан дарынды балаларды анықтау жүйесін енгізіп, олардың қабілеттіліктерін қолдау мен дамыту бойынша жеке жол картасын құру қажеттігін атап өткен еді. Осыған орай, Білім және ғылым министрлігі ҚР Тұңғыш Президенті Қорымен бірлесіп талантты балалар мен жастарды анықтау және қолдау бойынша Жол картасын дайындап жатыр. Бұл туралы Білім және ғылым вице-министрі Шолпан Қаринова баспасөз мәжілісінде айтты.
17 Қазан 2019, 16:24
-
Жамбыл облысында 9,6 мыңнан астам отбасы АӘК төлемдерін қайтарады
16 Қазан 2019, 12:12
-
Б.Ахметжанова: Қарт адамдарды қолдау тұжырымдамасы дайындалып жатыр
Қарттарға қамқорлық көрсету - еліміздің әлеуметтік саясатының басым бағыттарының бірі. Елбасы да, Президент те халыққа арналған Жолдауларында қарттарға баса назар аударып келеді. Осы бағытта еліміздегі және елордадағы қарттардың жағдайын жақсарту мақсатында қолға алынған іс-шаралар туралы «Ардагер» үкіметтік емес ұйымының президенті Баян Ахметжановамен сұхбаттасқан едік.
14 Қазан 2019, 17:11
-
Биыл мүгедектігі бар 521 мыңнан астам адам әлеуметтік төлем алды
Биылғы 9 айда мүгедектігі бар 521 мыңнан астам адам шамамен 235 млрд. теңге сомасында әлеуметтік төлемдер, техникалық көмекшіқұралдар мен арнайы әлеуметтік қызметтер алды.Қазіргі уақытта Қазақстанда мүгедектігі бар 690 мың адам тұрады, оның ішінде еңбекке қабілетті жастағы – 424 мың адам, зейнеткерлік жастағы – 177 мың адам, 18 жасқа дейінгі балалар – 89 мың адам.
14 Қазан 2019, 16:37
-
Өмірзақ Шүкеев пен Ералы Тоғжанов өзара ынтымақтастық туралы меморандумға қол қойды
ҚР Кәсіподақтар федерациясының Төрағасы Ералы Тоғжанов Түркістан облысына іс-сапар жасады. Сапар барысында Түркістан облысының әкімі Өмірзақ Шукеевпен кездесіп, өзара ынтымақтастық туралы меморандумға қол қойды.
10 Қазан 2019, 17:55
-
Ақмола облысында 916 отбасына АӘК төлеу тоқтатылды
Ақмола облысында табысын жасыруына байланысты 135 отбасына атаулы әлеуметтік көмек төлеу тоқтатылды, 32 млн теңге қайтарылуы тиіс. Бүгінгі күні 63 отбасы бюджетке 8,6 млн теңге қайтарды, 1040 отбасына қайта есептеу жүргізілуде.
10 Қазан 2019, 16:40
-
Аз қамтылған отбасылардың балаларына бірқатар әлеуметтік көмек беріледі
Атаулы әлеуметтік көмек беру туралы заң жобасына өзгерістер енгізілді. Заң бойынша, бұдан былай аз қамтылған отбасылардың балаларына бірқатар әлеуметтік көмек берілетін болады. Бұл туралы Үкімет отырысында ҚР Еңбек және халықты әлеуметтік қорғау министрі Біржан Нұрымбетов мәлімдеді.
07 Қазан 2019, 11:09
-
Елордада 7 мыңнан астам адам «Еңбек» бағдарламасының қатысушысы болды
2019 жылдың сегіз айының қорытындысы бойынша елордада 7 277 адам нәтижелі жұмыспен қамтуды және жаппай кәсіпкерлікті дамытудың 2017–2021 жылдарға арналған «Еңбек» мемлекеттік бағдарламасына қатысты, деп хабарлады Strategy2050.kz.
03 Қазан 2019, 12:14
-
Сыбайлас жемқорлықпен күресуде Қазақстанның тәжірибесі қолданылды – Ш. Әлсалех
Сауд Арабияда сыбайлас жемқорлықпен күресуде елбасының «100 нақты қадам – Ұлт жоспары» пайдаланылған. Бұл туралы елордада өтіп жатқан Халықаралық сыбайлас жемқорлыққа қарсы академия (ХСЖҚА) мен Қазақстан Республикасы Тараптардың сегізінші Ассамблеясына қатысқан Сауд Арабиясындағы парасаттылыққа даярлау орталығының Бас директоры Шәкір Әлсалех айтты.
02 Қазан 2019, 18:26
-
Түркістан облысында 10 жылда 19 мың жоба қаржыландырылды
Түркістан облысында ауылдағы кәсіпкерлік саласын дамыту мақсатында 2009-2019 жылдар аралығында 62,4 млрд теңгеден астам соманы құрайтын 19 136 жобаны қаржыландырылды. Бұл туралы аймақта өтіп жатқан Ауыл әйелдері форумында «Оңтүстік» Аймақтық инвестициялық орталығының Басқарма төрағасының орынбасары Қансейіт Ақмарал Байсейітқызы айтты, деп хабарлады Strategy2050.kz тілшісі.
02 Қазан 2019, 12:29
-
Биыл Түркістан облысында 340 мың тонна мақта жиналады
Түркістан облысы бойынша 131,1 мың гектар алқапқа мақта егілсе, Жетісай ауданы бойынша 45 028 га аумақты құрайды. Қазіргі таңда аудан бойынша 1097,5 гектардан мақта жиналып, орташа өнімділік гектарына 21,6 центнерді құрап отыр. Бұл туралы Түркістан облысы Өңірлік коммуникациялар қызметінің көшпелі баспасөз мәслихатында Жетісай аудандық ауыл шаруашылығы бөлімінің маманы Дастан Дүйсенбаев мәлімдеді.
27 Қыркүйек 2019, 18:25
-
Заң жобасына енгізілетін барлық өзгертулер отандық БАҚ-ты қолдауға бағытталған – Д.Абаев
Ақпарат және қоғамдық даму саласындағы қоғамдық кеңес отырысында ҚР кейбір заңнамалық актілеріне ақпарат мәселелері бойынша өзгерістер мен толықтырулар енгізу туралы» ҚР заң жобасы мақұлданды, деп хабарлады Strategy2050.kz тілшісі.
27 Қыркүйек 2019, 13:56
-
АШМ шошқа етін экспорттауға қойылатын талаптар бойынша хаттамаға қол қойды
Мемлекет басшысының экспорттық әлеуетті арттыру жөніндегі тапсырмасын орындау мақсатында ҚР Ауыл шаруашылығы вице-министрі Гульмира Исаева Қытай Халық Республикасы Бас кеден басқармасы Министрінің орынбасары Ван Лин Цзюньмен кездесу өткізді, деп хабарлады Strategy2050.kz.
25 Қыркүйек 2019, 17:51
-
ҚазМұнайГаз және Equinor бірлескен зерттеу жұмыстарын жүргізу туралы келісімге қол қойды
«ҚазМұнайГаз» ҰК АҚ Басқарма төрағасы Алик Айдарбаев Equinor ASA компаниясының барлау бойынша аға вице-президенті Торе Лоземен кездесті, деп хабарлады Strategy2050.kz.
24 Қыркүйек 2019, 17:37
-
Биыл «Бастау Бизнес» арқылы 5 мыңнан астам адам өз ісін ашты
Үкіметте «Бастау Бизнес» жобасын іске асыру барысы және мемлекеттік сатып алудағы жергілікті қамтуды ұлғайту мәселесі қаралды, деп хабарлады Strategy2050.kz.
23 Қыркүйек 2019, 15:04