• Басты
  • М. Сатов: Тәуелсіздік жылдары ішінде 145 әскери қызметші мемлекеттік награда алды
9 Қаңтар, 2017 17:19

М. Сатов: Тәуелсіздік жылдары ішінде 145 әскери қызметші мемлекеттік награда алды

Тәуелсіздік жылдары ішінде қайсарлық пен ерлік танытқаны үшін 145 әскери қызметші мемлекеттік награда алды, деді Ұлттық ұлан Бас қолбасшысының тәрбие және әлеуметтік-саяси жұмыстар жөніндегі орынбасары генерал-майор Мұхаметқали Сатов ҚР Ұлттық ұланының 25 жылдығына арналған Орталық коммуникациялар қызметіндегі баспасөз конференциясы барысында.
М. Сатов: Тәуелсіздік жылдары ішінде 145 әскери қызметші мемлекеттік награда алды

Генерал-майор хабарлағандай, кадрларды даярлау мен әскери қызметшілердің кәсібилігін арттыру әскер дамуының негізгі басымдықтарының бірі болып саналады. Осы орайда, білікті кадрлардя даярлау мақсатында Петропавл қаласында Ұлттық ұлан әскери училищесі құрылып, кейін оқу орнына Әскери институт мәртебесі берілді. Әскери институт құрылған күннен бастап 2900 офицерлік кадр даярлады, олар бүгінде Ұлттық ұлан, ҰҚК Шекара қызметі, ҚМ және МКҚ әскери бөлімдерінде қызмет атқарады.

Оперативтік-тактикалық деңгейдегі жоғары білікті кадрлар даярлау мақсатында 2010 жылдың қараша айында Тұңғыш Президент – Ұлт көшбасшысы атындағы Ұлттық қорғаныс университеті жанынан Ұлтық ұлан факультеті құрылды. Сол уақыттан бастап әскерге 50-ден аса әскери іс және қауіпсіздік магистрі даярланды, 120-дан астам офицер біліктілік жоғарылату курсынан өтті. Өткен 2016 жылдың желтоқсан айында аталған факультетте қамтамасыздандыру кафедрасы ашылып, онда тыл, техника және қару-жарақ, тәрбие саласының жоғары білікті мамандары даярлана бастады.

Тәуелсіздік жылдары ішінде Президент Жарлығымен қайсарлық пен ерлік танытқаны үшін әр түрлі мемлекеттік наградалармен – 145 әскери қызметші, олардың 40-ы ордендермен наградталды. Сондай-ақ полковник Қайрат Үмбетовке ең жоғары дәрежелі ерекшелік белгісі – «Халық қаһарманы» атағы берілді.

Жалпы алғанда, атқарылған тиімді жетілдіру шаралары әскеріміздің жаңа сапалы кезеңге шығуына, нәтижесінде мемлекеттің ішкі қауіпсіздігіне қауіп-қатер төндіретін жайттарға қарсы жедел әрекет етуге, еліміздің кез келген аумағында қалыпты, не болмаса күрт ушыққан жағдай кезінде де құқық қорғау және терроризмге қарсы міндеттерді сәтті шешуге мол мүмкіндіктер беріп отыр.

Барлық жаңалықтар