Өскеменде көкөніс сататын сауда нүктелерінің саны 72-ге дейін көбейген

Ағымдағы 2016 жылы Өскемен қаласы үшін Өңірлік тұрақтандыру қорына 2500 тонна көкөніс өнімі салынған.

Өскемен қаласының тұрғындарына қыс және көктем мезгілдерінде көкөністерді төмен бағамен сатып алу мүмкіндігі беріледі. «Приречное агрофирмасы» ЖШС сауда нүктелеріне тұрақтандыру қорының өнімін жүктеу ағымдағы жылғы 1 желтоқсаннан басталған.

Көкөністер сататын сауда нүктелерінің саны 72-ге дейін көбейген (ірі дүкендер, сауда базарлары, павильондар, үй жанындағы дүкендер), олар қаланың әр түрлі бөліктерінде орналасқан, соның ішінде «Ертіс» СПК 13 сауда нүктесінде.

Еске сала кетейік, Тұрақтандыру қорының негізгі мақсаты маусымаралық кезеңде көкөніс өнімі бағаларының көтерілуіне жол бермеу, инфляцияны ұстап тұру және азаматтардың әлеуметтік әл-ауқатын сақтау болып табылады.