Сенатор Е.Мұқаев Батыс Қазақстан облысындағы әлеуметтік нысандарда болды
6 Қаңтар, 2017 12:54
Парламент Сенаты депутаттарының еліміздің аймақтарына сапары одан әрі жалғасуда, деп хабарлады Сенаттың баспасөз қызметі.
Сенатор Ерболат Мұқаев Батыс Қазақстан облысындағы әлеуметтік және өндіріс нысандарында болды. 5 қаңтарда депутат Теректі ауданының әкімімен, мәслихат депутаттарымен және аудан активімен кездесіп, аудандағы білім беру және денсаулық сақтау нысандарын аралады.
6 қаңтарда Е. Мұқаев Зеленов ауданында болып, жергілікті билік органдарының басшылығымен, шағын және орта бизнес мекемелерінің еңбек ұжымдарымен кездесті.
Кездесу барысында сенатор азаматтарды Парламенттің осы сессияда қабылдаған заңдар, сондай-ақ еліміздің әлеуметтік-экономикалық дамудың стратегиялық бағдарламасын іске асыру мәселелері туралы хабардар етті.
