ЕАДБ Қарағанды облысында полиметалл кендерді өндіру жобасын қаржыландырады
6 Қаңтар, 2017 15:21
Еуразиялық даму банкі (ЕАДБ) және «СП «Алайғыр» ЖШС 56 млн доллар сомасына Қарағанды облысында Алайғыр полиметалл кен орнын өндіру және өңдеу жобасын қаржыландыру туралы несие шартына қол қойды.
Ақпарат бойынша, шартқа сәйкес, Еуразиялық даму банкі 7 жыл мерзіміне 56 млн АҚШ долларын ұсынады.
«Алайғыр» жобасы Банкке қатысушы елдердің аумағында экспортқа бағдарланған жаңа заманауи өндірістерді қаржыландыру бойынша ЕАДБ стратегиясының жалғасы болып табылады. Жобаның ресурстық базасы Қазақстанның тау-кен өнеркәсібін әртараптандыруға ықпал етеді. Сондай-ақ біз Банктің «Тау-Кен Самұрық» ұлттық тау-кен компаниясымен ынтымақтастығының жалғасатынына қуаныштымыз, оның арқасында жүздеген жұмыс орындары ашылып, өңірлердің экономикасы дамуда», - деп хабарлады ЕАДБ Басқарма төрағасының орынбасары Максим Коржов.
